Shirkeýge kelgen mektep oqýshylaryna adamnan jyn shyǵarý prosesin kórsetken. Bul týraly qamshy.kz Vestı.Ru-ǵa silteme jasap habarlaıdy.

Reseıdiń Sverdlovsk oblysyndaǵy gımnazıa oqýshylary áıelder monastyrya saıahat jasamaqshy bolyp ekzorsızm (jyn shyǵarý) prosesine kýá bolǵan.

Belgili bolǵandaı Sergeı ákeı mundaı prosesterdi kúnde tańerteń ótkizedi eken.  Buǵan tipti 4-synyp oqýshylary da kýá bolǵan.

«Olarǵa 12 jasar qyzdyń boıynan shaıtandy shyǵarý prosesin kórsetken. Shirkeý qyzmetkeri odan jyndy shyǵarǵan. Qyz erkek daýyspen aıqaılap, shyńǵyrdy. Osynyń bári monıtorlarda  kórsetilgen. Balalar eshteńe túsinbeı, qatty qorqyp qalǵan. Sonymen birge, balalarǵa eshkim mundaı jaǵdaıdyń oryn alý múmkindigi týraly da jaq ashapasa kerek»- deıdi oqýshylar ata-analarynyń biri.

Vıdeoda naqty kadralar joq, sebebi dál sol proses oryn alǵan ýaqytta vıdeo túsiretin múmkinshilik bolmaǵan. Alaıda balalar jazyp alǵan aýdıodan bul prosestiń qalaı ótkenin estýge bolady.

Al, Ekaterınbýrg eparhıasynyń qyzmetshisi, bul másele tóńireginde, mundaı jaǵdaı balalardyń ruqsatsyz sol jerge kirip ketýi sebebinen oryn alyp otyrǵandyǵyn jetkizdi.

Hrıstıan shirkeýleriniń tártibine baılanysty, ishine jyn kirgen adamadar osy syndy shirkeý, monastyrlarǵa kómek, járdem izdep keledi. Kóp jaǵdaıda ondaı adamdarǵa dárigerler kómek kórsetýge sharasyz. Sredneýraldyq áıelder monastyry orman ishinde, adamdardan alastatylǵan jerde ornalasqan. Onda kóp adamdar emdelýge keledi. Jyn shyǵarýshy qyzmetkerler jeke arnaıy bólmelerde osy prosesti júzege asyrady. Jáne bul bólmeler jabyq, onda eshkim kirgizilmeıdi degen pikirler aıtyldy.

«Eger onda shyn máninde jyn shyǵarý prosesi ótken bolsa, eshqandaı ekskýrsıa týraly sóz bolýy múmkin emes»-deıdi Vılám Shmıd esimdi profesor.

Japa shekken adamadar bolsa qandaı da bir  suhbat berýden qashqaqtap otyr, «Ekaterınbýrg-Parıj» mektebiniń basshylary da eshqandaı pikir bildirgileri kelmegen.