Ońtústikte 22 naýryz kúni 201 bala dúnıe esigin ashty. Bul týraly «Qamshy» portaly otyrar.kz-ke silteme berip habarlaıdy. Mereke kúninde týǵan nárestelerdiń basym bóligi – ul balalar. Onyń ishinde bir egiz bar. Aq halattylardyń aıtýynsha, bıylǵy jyl basynda jaryq dúnıege kelgen Naýryzbaı men Naýryzgúlderdiń qatary jyldaǵydan kóbeıgen.

Kámshat Masaqbaeva – 22 naýryz kúni bosanǵan analardyń biri. Kópten kútken perzentin dál mereke kúni dúnıege ákelýim otbasym úshin úlken qýanyshqa aınaldy deıdi jas ana. Kúni keshe ǵana dúnıe esigin ashqan nárestesine ol Aıjanym degen esim beripti.

Kámshat Masaqbaeva: “22 naýryz kúni bosandym. Qyz bala dúnıege ákeldim. Qyzymnyń  jaǵdaıy jaqsy. Munymen toqtap qalmaspyn. Buıyrtsa taǵy týa jatyrmyn.”

Bıyl Naýryz merkesinde dúnıege kelgen nárestelerdiń sany jyldaǵadan kóbeıgen. Máselen №2 perınataldyq ortalyqta 22 naýryz kúni 19 ana bosanǵan. Náresteli bolǵan analardyń aldyńǵy qatary perzenthanadan úılerine qaıtyp ta jatyr.

Gúljanat Baızaqova, akýsher-gınekolog: “22 naýryz kúni bizde 16 ana bosandy. Onyń ishinde toǵyzy – er bala, jeteýi – qyz bala. Merekege qaramastan jumysty toqtatpadyq. Áıelderdiń jalpy jaǵdaıy jaqsy. Eshqandaı tótenshe jaǵdaı bolmady.”

Aıta keteıik, demografıalyq ósimi jaqsy Ońtústikte jyl saıyn halyq sany ósip keledi. Máselen, 2016 jyly óńirde jalpy sany 79 195 náreste dúnıe esigin ashsa, onyń 765-si egiz , beseýi – úshem.