AQSH-tyń Pensılvanıa shtatynda koreıdiń tansýdo tóbeles ónerinen sabaq beretin 29 jastaǵy muǵalim Maıkl Sherbanık balalardy azǵyndady jáne zorlady dep aıyptalyp jatyr. Bul týraly «Qamshy» portaly tengrinews.kz-ke silteme jasap habarlaıdy.

Ustalyp, qamaýǵa alynǵan ol kameralastaryna zorlanǵan balalardy óltirýge tapsyrys bergen, Daily Mail málimetinshe, abaqtyda jatqan kezinde eks-muǵalim aldaǵy ýaqytta bolatyn sot otyrysynda jábirlenýshi balalar qarsy aıǵaq bermeýi úshin olardyń bireýin óltirýge oqtalǵan delinedi. Bul maqsatta ol, basylymnyń málimetinshe, jábirlenýshi balalardyń biri turatyn úıdiń kartasyn syzyp, gazy bar qutyny jarýǵa bolatyn jerde kórsetip bergen. Tapsyrysty oryndaýshyǵa ol mıllıon dollar berýge ýáde etken. Sonymen qatar, kisi óltirýshige ol tansýdo sabaqtaryn tegin ótkizetinin aıtqan.  Eske salaıyq, burynǵy muǵalim Sherbanıkke qatysty ótken jyldyń maýsymy men shildesinde 12 jastaǵy bala aıǵaq bergen bolatyn. Sherbanık sabaq beretin tansýdo seksıasyna qatysyp júrgen bala zorlanǵanyn málimdegen. Osydan keıin kúdikti qamalǵan, alaıda 9 myń dollar kepilaqy berip, bosatylǵan.   Budan keıin qalǵan tórt bala muǵalimniń zorlaǵanyn málimdegen. Kúdikti qaıtadan ustalyp, abaqtyǵa qamalǵan. Izolátorda bolǵan Sherbanık kameralastaryna zorlanǵan balalardyń birin óltirýge tapsyrys bergen-mys.  Endi sot prosesi 4 sáýirde bastalady.