Ǵalamtorda "Shymkent" degen ataýmen vıdeo jarıalandy. Onda kımeshek kıgen áıel men qazaqtyń shapanyn japqan er adamnyń ersi bıin kóresiz. Oqıǵa balabaqshada Ulystyń Uly kúnine arnalǵan merekelik sharada bolýy múmkin. Qazaqtyń ulttyq kıimin kıip sheteldiń ánine balalardyń kózinshe bılegeni halyqtyń jaǵasyn ustatty. Balabaqsha - býyny qatpaǵan, ómirge táı-táı basyp kele jatqan, kórgenin aına qatesiz qaıtalap, kóńilinen toqyp alatyn balalardy tárbıeleıtin orda ekenin eskersek, onda mundaı qylyq kórsetý uıat. Ádette merekelik is-sharalarda balalar men qosa tárbıeshiler óner kórsetetini anyq. Eger vıdeodaǵy oqıǵa balabaqshada jáne ersi bıimen kózge túsken qazaqtyń "ájesi" men "atasy" tárbıeshi bolsa balalarǵa qandaı tárbıe beredi degen zańdy suraq týyndaıdy.