2017 jylǵy 17 naýryzda Belgrad qalasynda Qazaqstan Respýblıkasynyń Elshisi Nurbah Rústemov Serbıadaǵy eń úzdik joǵary oqý oryndarynyń biri – Álfa BK Ýnıversıtetinde memleketimizdiń qazirgi damýyna jáne Qazaqstan men Serbıa arasyndaǵy yntymaqtastyqtyń keleshek baǵyttaryna arnalǵan dáris oqydy.
Atalǵan, is-sharaǵa Serbıa Parlamentiniń depýtattary, mınıstrlikter jáne mekemeler, isker jáne qoǵamdyq – saıası toptar, jergilikti buqaralyq aqparat quraldary, sońdaı-aq dıplomatıalyq korpýstyń ókilderi qatysty.
Dáris barysynda Elshi Serb aýdıtorıasyn Qazaqstandaǵy áleýmettik-ekonomıkalyq ahýal, «Qazaqstannyń úshinshi jańǵyrýy: jahandyq básekege qabilettilik» atty Elbasynyń Qazaqstan halqyna joldaýynyń negizgi baǵyttary men eldegi konstıtýsıalyq reformalar, sondaı-aq Qazaqstannyń BUU Qaýipsizdik keńesindegi atqaryp jatqan qyzmeti týraly jáneEKSPO-2017 halyqaralyq kórmesine daıyndyqtyń barysy týraly baıandap berdi.
Eki jaqty qatynastardyń jalpy sıpatyna joǵary baǵa bere otyryp, Nurbah Rústemov eki el Prezıdentteriniń ózara resmı saparlary Qazaqstan men Serbıa arasyndaǵy qalyptasqan dıalogty tereńdetýdiń aıqyn aıǵaǵy bolyp tabylatynyn atap ótti.
Óz kezeginde Ýnıversıtet rektory Slavka Výksha Qazaqstannyń beıbit jáne ıadrolyq qaýipsizdikti nyǵaıtý jónindegi kúsh-jigerine, sondaı-aq eldegi ártúrli din jáne ult ókilderinińbeıbit qatar ómir súrýlerine baǵyttalǵan Memleket basshysynyń saıasatyna joǵary baǵa berdi. Budan buryn Álfa BK Ýnıversıtetinde 40 qazaq stýdentteri oqyǵanyna oraı, bilim salasyndaǵy eki jaqty yntymaqtastyqty jandandyrý týraly ýaǵdalastyqqa qol jetkizilgen.
