Qanshama qasyretti, zulmatty basynan ótkersede, bolmysyn buzbaı, bitimin saqtaǵan halqymyzdyń tý tiger tuǵyryn naqtap, bodandyqtan bostandyqqa jetken qazirgi kezde ata-saltqa nemkettilikpen qarap, esirkep kelgen keremet yrym-tıymdarymyzdy  eski dep elemeı baba-saltymyzǵa júrdim-bardym qaraıtyn deńgeıge tústik pe? dep qalasyń. Tirsegi maıyssa da, tizesi búgilmegen, jalaýy jyǵylsada janynyń jalyny júnjimegen arda halyq edik. Óshkenimiz janyp, ólgenimiz tirilgen bul kúni ótkenimizdi elep, búginimizge dáıek etsek utylmasymyz anyq.

Ári, ósip kele jatqan óskinmen, keler urpaqqa ónege bolary sózsiz.

Atamyz Qazaqta: Túndigiń túrilýsiz qalsyn! - degen  eń aýyr qarǵys sóz bar. Mánine  oı júgiritsek, "baqan ustar balań, túndigińdi túrer keliniń  qalmasyn, urpaqsyz,  tuıaqsyz qal" degeni.   Qazaqtyń eń birinshi bolyp isteıtin sharýasy:  Tańmen talasa turyp túndikti túrý.  Onda da túndikti kelini túrip, peshke ot salǵan. Ashyq kúnde túndikti túrmeý, eń jaman yrym sanalǵan.

Qaza shyqqan qaraly úıdiń túndigin kúndiz túrmeıtin salt bar. Túndigi túrilmegen úıdi alystan kórgen adam,  túndiginiń túrilmegenine qarap,  ol úıden ólim  shyqqanyn  birden biletin bolǵan.

Endeshe, barsha halyq shat-shadyman kúıge enip, máre-sáre qýanyshqa bólengen mereke-meıram,  dúbirli toıǵa tikken Qazaqy úıimizdiń  túndigin kúndiz nege tumshalap jaýyp qoıamyz?  Álde ata-saltymyz, babadan jetken salt-dástúr, yrym-tıym túkke turǵysyz dúnıe me?  qashanǵy qaraly úıdiń beınesin tigemiz? .......

Burynbaı Bolatbekuly