2017 jyldyń 27 naýryz kúni QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń bastamasymen «Parasyz bolashaqqa.Birge!» respýblıkalyq aksıasy aıasynda Ońtústik Qazaqstan oblysynda Sybaılas jemqorlyqqa qarsy mobıldi toptyń halyqpen kezdesýi ótti dep habarlaıdy qamshy.kz. Aksıa Shymkent qalasy, oblystyq halyqqa qyzmet kórsetý ortalyǵynyń ǵımaratynda ótti.
Basty maqsat – halyq arasynda sybaılas jemqorlyqtyń aldyn alýdy túsindirý maqsatynda aýdan, qalalarǵa shyǵý, sonyń ishinde, memlekettiń sybaılas jemqorlyqqa qarsy saıasatynyń tıimdiligin arttyrý, sybaılas jemqorlyqtyń kez-kelgen kórinisine «múldem tózbeýshilik» ahýalyn jasaý arqyly sybaılas jemqorlyqqa qarsy qozǵalysqa búkil qoǵamdy tartý jáne Qazaqstanda sybaılas jemqorlyq deńgeıin tómendetý bolyp tabylady.
«Mobıldi top» óz qyzmetinde qoldanylatyn nysanaly ındıkatorlary retinde - memlekettik kórsetiletin qyzmetter sapasyn jaqsartý,qoǵamnyń memlekettik bılik ınstıtýttaryna senimin, halyqtyń quqyqtyq mádenıetiniń deńgeıin anyqtaý, memlekettik qyzmetter kórsetiletin oryndarda jedel túrde azamattardy qabyldaýdy júzege asyrýdy belgiledi.
«Sybaılas jemqorlyqqa qarsy mobıldi toptyń» quramy QR Memlekettik qyzmet isteri jáne sybaılas jemqorlyqqa qarsy is-qımyl departamentiniń, oblystyq sybaılas jemqorlyqqa qarsy Ulttyq búro departamentiniń, «Nur Otan» partıasy OQOF, jergilikti atqarýshy organdar, aımaqtyq kásipkerler palatasynyń, kásipodaq ortalyǵy men memlekettik korporasıalar, ÚEU jáne BAQ ókilderi men oblysymyzdyń úzdik sportshylarynan turady.
«Mobıldi top» qoǵamdyq qabyldaýdy arnaıy avtobýspen júzege asyra otyryp, sybaılas jemqorlyqqa tózbeýshilikti qoldaıtyn adamdarǵa senimin bildiredi. «Mobıldi top» óz qyzmetin oblys kóleminde turaqty negizde júzege asyryp otyratyn bolady.
Elbasy jyl saıynǵy halyqqa Joldaýynda besinshi basymdyqty – ınstıtýsıonaldyq ózgeristerge, qaýipsizdikke jáne sybaılas jemqorlyqpen kúreske qatysty anyqtap, sybaılas jemqorlyqpen kúreste kóp nárse búkil qoǵamnyń belsene atsalysýyna baılanysty ekendigin atap ótti.
Memlekettik baqylaý jáne qoǵamdy memlekettiń sybaılas jemqorlyqqa qarsy saıasattymen aqparattandyrý Agenttiktiń negizgi qyzmetteriniń biri bolyp tabylady. Agenttik óz tarapynan osy qyzmetti júzege asyrýda elimizdiń árbir azamatyna túsindirý maqsatynda ártúrli ádister qoldanýda.
Josparlanǵan is-sharalardyń negizgi maǵynasy – «Tabysty jáne gúldengen qoǵamdy sybaılas jemqorlyqtan erkin azamattar salýy múmkin».
Sybaılas jemqorlyq faktileri týraly habarlaý jónindegi nusqaý
Sybaılas jemqorlyq faktileri týraly málimetti QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń OQO boıynsha aýmaqtyq departamentterine habarlaýǵa bolady (kezekshi bólimniń telefony: 8-7252-98-14-00).
Habarlamany:
1. Sybaılas jemqorlyqqa qarsy qyzmettiń aýmaqtyq departamentterine jazbasha túrde (meken-jaıy: Shymkent qalasy, Qazybek bı k,3 nemese Táýke han dańǵ,3)
2. «Elektrondy úkimettiń» egov.kz portalyna.
3. Sybaılas jemqorlyqqa qarsy qyzmettiń 1424 Sall-ortalyǵyna joldaýǵa bolady.
