Saýd Arabıasynda kóp áıel alý máselesimen shuǵyldanatyn akademıa qurý týrasynda usynys aıtyldy.

Dáliregi, koról Ábdiáziz atyndaǵy ýnıversıtettiń oqytýshysy Haýazın Myrza osyndaı bastama kóterip otyr. Bylaısha aıtqanda, muny saýdıalyq noý-haý dese de bolady.

Onyń aıtýynsha, bul qurylym er-azamatqa úsh áıeldi birden alyp berý múmkindigin qarastyrýy tıis. Tarqatyp aıtqanda, úsh neke de bir aıdyń ishinde qıylýy kerek. Kúıeý jigittiń jasy 25 pen 35 aralyǵynda bolýy tıis. Haýazın Myrzanyń sózine qaraǵanda, joǵarydaǵy aıtylǵandardan bólek, taǵy mynadaı sharttar qarastyrylýy kerek: birinshisi – ajyrasqan áıelmen, ekinshisi – jesirmen, ıaǵnı, kúıeýi qaıtys bolǵan adammen, al úshinshisi – oń jaqta otyryp qalǵanymen neke qıdyrýy kerek.

Eger er-azamat úsh áıelimen de tatý-tátti otbasyn qursa, taǵy toqal alýdy qalasa, tórtinshisi oǵan tegin, ıaǵnı eshqandaı qalyńmalsyz berilýi kerek.

Derekkóz: islam.kz