Qazaqstannyń memleket jáne qoǵam qaıratkeri, táýelsizdik alǵannan keıingi jyldarda birqatar mınıstrlikterde mınıstr qyzmetin atqarǵan Altynbek Sársenbaıuly tiri bolsa 12 qyrkúıekte 52 jasqa tolar edi. 2006 jyly 11 aqpanda qastandyqpen óltirilgen qaıratkerdiń týǵan kúnine oraı «Altynbek Sársenbaıuly qoǵamdyq qory» eske alý rásimin ótkizbekshi. Baǵdarlama aıasynda tómendegideı is-sharalar uıymdastyrylady:

12 qyrkúıek, juma (11:00-de)  «Keńsaı-2» zıratyna baryp, Altynbek Sársenbaıulynyń arýaǵyna táý etý.  13 qyrkúıek, senbi (9-30-dan – 14-00-ge deıin) – «Prosveshenes» shıpajaıy – «Qumbel» shatqaly baǵytymen taýǵa shyǵyp, «Altynbek jolymen» júrip ótý. Jınalý orny men ýaqyty: «Qazaqstan» qonaqúıiniń qarama-qarsysyndaǵy sýburqaq (fontan) mańynda basqosý (Dostyq dańǵyly men Qurmanǵazy kóshesiniń qıylysy); saǵat 09:00-dan keshikpeı avtobýs taý jaqqa qaraı bet alady.  13 qyrkúıek (bastalýy saǵat 10:00) – bılárd oıyny boıynsha Altynbek Sársenbaıuly atyndaǵy dástúrli týrnır. Mekeni: Almaty qalasy, Shaǵabýddınov kóshesi, 109 «A», Qarasaı batyr jáne Bógenbaı batyr kósheleriniń ortasynda, «Bastaý» bılárd klýby. Anyqtama úshin 87019998222.

Qamshy-aqparat