Daryndy jastardyń «Shabyt» halyqyralyq XV festıvali Astana qalasynda 3 qarashadan bastap 8 qarashaǵa deıin ótkiziledi. Bul jyly festıvál «Klasıkalyq mýzyka», «Jýrnalısıka», «Beıneleý óneri», «Halyq mýzykasy», «Sırk óneri», «Balettiń jas ártisteri baıqaýy» jáne «Úzdik ádebı shyǵarma» nomınasıalary boıynsha jeńimpazdardy anyqtaıdy. Shyǵarmashyl jastarǵa beriletin basty syı – Qazaqstan Respýblıkasy Prezıdentiniń kýbogy bolmaq. Sonymen qatar, Gran-prı, «Laýreat» ataǵy berile otyryp 1, 2, 3 dárejeli syılyqtar, «Shabyt» medali, ústel ústinde turatyn «Shabyt» medali, ataýly dıplomdar men Qazaqstannyń kórnekti mádenıet jáne óner qaıtarkerleri atyndaǵy syılyqtar usynylady. Kelesheginen úmit kúttiretin jastarǵa «Dıplomant» ataǵy kórsetilgen dıplomdar, festıválǵa belsene qatysqany úshin marapat qaǵazdary men jekelegen nomınasıalar boıynsha arnaıy dıplomdar men syılyqtar beriledi. Uıymdastyrý komıtetiniń habarlaýynsha, festıválǵa qatysýǵa nıet bildirgen jastardyń ótinishterin qabyldaý áli de jalǵasýda. "Shabyt" festıvaliniń arnaıy veb saıty: