Peterbor metrosynyń vagonynda jarylys jasap qaıtys bolǵan terrorıst Akbarjon Djalılov 1 sáýir óziniń týǵan kúninde Vkontakte áleýmet jelisin paıdalanǵany zertteý barysynda málim boldy. Akkaýnt arqyly Djalılovtyń terorıstik toptarmen baılanysy anyqtaldy. Akbarjon Djalılovtyń eki akkaýnty bolǵany jáne bir akkaýnty 2014 jyldan beri qoldanylmaı, ekinshi akkaýnty belsendi qoldanysta bolǵany anyq bolyp otyr. Dál osy akkaýnt arqyly kúdikti óziniń jaqtastarymen habarlasyp otyrǵan. Resmı derekter boıynsha, Akbarjon Djalılov Reseıde tyıym salynǵan IM toptarynyń quramynda Sırıa nemese Irak jaǵynan soǵysqa qatysýy múmkin degen boljam jasalyp otyr dep habarlaıdy "Qamshy" aqparattyq agenttigi habarlaıdy izvestia.ru saıtyna silteme jasaı otyryp.
Terrorıst áleýmettik jelilerdiń belsendi qoldanýshysy bolmaǵany, jeke paraqshasynda túrli jazbalar men sýretter júktemegeni, 11 dosy jáne 5 topqa tirkelgeni málim bolyp otyr. Toptardyń ishinen kózge túsetini 4,5 myń tirkelýshisi bar TAWBA toby.
Myńdaǵan reseılikter ekstremızdi nasıhattaýmen qatar offlaın rejımde de jumys isteıtin osy tıptes toptarǵa tirkelgen.
Akbarjon Djalılov Reseıde ruqsat etilmegen IM terorıstik toptyń múshesi bolǵan. Bul top radıkaldy ıslam dinin nasıhattaý negizinde Reseı Federasıasymen soǵys bastalý aldynda tur. Terrorısterdiń basty baǵyty - tynysh elge qarsy terorıstik áreket jasaý bolyp tabylady.
Áskerı is-qımyldar ardageri Vasılıı Pavlov : «Oryn alǵan jaǵdaı arnaıy qyzmetkerlerdi tekserý nemese daıyndyq, barlaý bolýy da múmkin. Kez kelgen shabýyl terrorısterdiń óz maqsattaryna jetetindigin kórsetedi. Shabýyldyń maqsatyn anyqtamaı-aq, bizdiń elge qarsy soǵystyń bastalǵany anyq» dep óz pikirin bildirdi.
Búginde Qyrǵyzstanda Reseıde tyıym salynǵan «Hızb ýt-Tahrır», «Tablıgı djamaat» syndy aldyna Ortalyq Azıada halıfat ornyqtyrýdy maqsat tutqan uıymdar ashyq túrde jumys isteıdi.
Din isteri boıynsha Qyrǵyz Memlekettik agenttiginiń málimeti boıynsha, memlekette 2000 meshit jáne 3000 ımam jumys isteıdi. Resmı tirkelmegen 1000 shaqty meshit bar. Sońǵy kezderi tirkelmegen meshitterde radıkaldy ıslamnyń ustanymdary jaqsy damyǵan. Jáne bul jaǵdaıǵa Sırıadaǵy janjalǵa qatysy bar Qyrǵyzstannyń turǵyndary aýyzdyq bolyp otyr. Sońǵy Memlekettik ulttyq qaýipsizdik komıtetiniń resmı derekter boıynsha, sodyrlardyń qatarynda 600-den astam memleket azamattary kúresýde.
Aýdarǵan: Aıgerim Taýbaı
