2017 jyl 5 sáýir kúni Soltústik óńirdegi jedel-qutqarý komandasyna kelip túsken habarlama boıynsha Qostanaı oblysy Ryspaı aýylynyń mańynda mektep avtobýsy qar qursaýynda qalyp qoıdy dep habarlaıdy «Qamshy» aqparattyq agenttigi alau.kz saıtyna silteme jasaı otyryp.
Avtobýs Ryspaı aýylynan Talapker aýylyna qaıtyp bara jatqanda qatty daýyldan avtokólik qozǵalysyn toqtatýǵa týra keledi. Der kezinde kómek kórsetken qutqarýshylar 7 oqýshyny Talapker aýylyna aman-esen jetkizdi.
Jolda qar qursaýynda qalyp qoıǵan jolaýshylardyń jalpy sany 22 bolsa, onyń 11-i áıel adamdar.
«Biz daýyldy kúnderi saparlaryńyzdy azaıtyp, jolda óte muqıat bolýdy usynamyz»,-dedi QR İİM Tótenshe jaǵdaılar jónindegi komıtetiniń Soltústik ÓAJQJ bastyǵynyń orynbasary Sergeı Shmıdt.
