Ár ulttyń ómirinde, saltynda, dástúrinde ózine tán erekshelikteri bolatyny anyq. Jáne ár eldiń salt-dástúrleri bir-birine oǵash kórinýi múmkin. Sondaı salttarymen halyqtyń jaǵasyn ustatyp kele jatqan elderdiń biri – Indonezıa halqy.

Indonezıa kresándary ár úsh jyl saıyn ata-babalarynyń máıitin qazyp, denelerin tazartyp, sándep otyrady. Bul rásim arqyly ındonezıalyqtar ata-babalaryna degen mahabbat pen qurmetin kórsetedi, dep jazady «Qamshy» portaly qubbil saıtyna silteme jasap.

«Máıitti tazalaý» rásimin Indonezıadaǵy Sýlavesı aralynyń turǵyndary júz jyldan beri atqaryp keledi. Aral turǵyndary atalmysh rásimdi  oryndaýǵa shynaıy nıetpen kirisedi. Máıitterge jańa, ádemi kıimder kıdirip, otbasyly sýretterge túsip, olardy arnaıy baıqaýlarǵa jiberedi.

Iá, estiseń, deneń titirkenetindeı aqparat. Dúnıeden ótken ata-babalarynyń súıegin sýretke túsirip, sýretterdi baıqaýda jarystyrady eken. Eń úzdik dep tanylǵan sýretke syılyq ta bar.

Aıta keterligi, máıitti tazalaý araldaǵy eń mańyzdy rásim bolyp tabylady. Týystaryn qaıta jerleý úshin adamdar qomaqty qarajat jumsaıdy eken, sol úshin tynbaı jumys isteıdi.

Odan bólek, qazylǵan jerdi de tazalap, jýyp, qaıta jerleý rásimine daıyndaıdy. Indonezıalyqtar úshin ólimmen adamnyń ómiri taýsylmaıdy, tek tirshiligi toqtaıdy.

Olardyń oıynsha, ólgen adamnyń rýhy óz aýylynda bolýy tıis. Eger týǵan aýylynan qashyqtyqta dúnıeden ótken bolsa, ony mindetti túrde óz aýyldaryna ákelip jerleıdi. Sebebi, 3 jyl saıyn máıitti tazalaý jumystary júrgizilip otyrýy tıis. Turǵyndary da arldan alystaamýǵa tyrysady eken.

Aıta keterligi, Sýlavesı araly – kezinde mısıonerler jete almaǵan jabyq qoǵam. Soǵan qaraǵanda, atalmysh rásim áli de jalǵasyn tabatyn syńaıly.