Instagram jelisinde denski_blog atty jeli qoldanýshysynyń jeke paraqshasynda májbúrli túrde qaıyr surap júrgen balanyń sýreti paıda boldy. Fotodan shamamen 9-10 jasar balanyń baǵanaǵa jippen baılanyp turǵanyn kórýge bolady, dep habarlaıdy "Qamshy" aqparattyq agenttigi.
"Óz kózime ózim sene alar emespin. Bárimizdiń kózimiz kórip úırengen qaıyrshy balany baǵanǵa jipke baılap qaıypty. Buǵan jáı qarap turý múmkin emes. Quqyq qorǵaý organdary nege mundaı iske jol beredi? Tap sol sátte baryp jibin kesip tastaǵym keldi. Men ádette sabyrly adammyn, biraq myna kórinis meniń shamyma tıdi. İs kishkentaı balaǵa kelip tirelgende, qalaı jaıbaraqat otyrýǵa bolady?" - dep jazady áleýmettik jeli qoldanýshysy.
