Qutqarýshylar Almaty oblysynyń taýlarynda qar kóshkini bolýy múmkin dep eskertti. Qar basqan taý shyńdaryna shyǵýǵa keńes berilmeıdi, dep habarlaıdy Today.kz QR İİM TJK-niń saıtyna silteme jasap.
«Almaty oblysynyń taýly aımaqtarynda qar jamylǵysynyń qalyń bolýy jáne jaýyn-shashyn saldarynan 6 sáýirde qar kóshkini bolýy múmkin. Taýda abaı bolyńyzdar!»,-delingen habarlamada.
Sınoptıkterdiń aqparaty boıynsha, sáýirdiń 6-sy men 7-si kúnderi respýblıka aýmaǵyna Reseıdiń arktıkalyq jaǵalaýynan sýyq jáne ylǵaldy aýa kelip túsedi. Sondyqtan da, oblystyń basym bóliginde burynǵydaı jańbyrly aýa-raıy bolyp, keı jerlerde jańbyr, ylǵaldy qar jaýyp, tuman túsip, aýa temperatýrasy 2-4 gradýs normadan tómen bolady.
