Djemma Ýoker jetkinshek kezinde depressıa men júıkeniń juqarýyna baılanysty anoreksıa aýrýyna shaldyqqan. Ol jaqyndarynyń kóz aldynda sónip bara jatyr edi. Ata-anasy dárigerlerdiń Djemmanyń ómir súrýine 48 saǵat qana qaldy degen aýyr sózderi esine tússe áli kúnge deıin júrekteri aýyrady.

Alaıda Djemma tiri qaldy. Ol úshin kóp ýaqyt pen úlken qajyr qaırat kerek boldy. Ýaqyt óte kele qyzdyń salmaǵy 30 kelige jetedi. Dárigerler dereý aýrýhanaǵa jatqyzý kerektigin aıtady.

Djemmanyń ákesiniń kúni palataǵa kirip, qyzynyń júregi soǵyp turǵanyn tekserýmen bastalatyn. Naýqas qyzdyń ata-anasy túni boıy Djemmanyń janynan shyqpaı, qoldarynan kelgenshe kómektesýge tyrysty.

Djemmanyń jaǵdaıy nasharlarp 26 kelimen jan saqtaý bólmesinen biraq shyqqan kezi bolǵan. Dárigerler endi qyz ońalmaıdy dep oılady. Bir ǵajaıyp kúshpen Djemma tiri qaldy.

Qyz salmaq jınaı bastaǵanda ata-anasynyń qýanyshynda shek bolmady. Alaıda Djemma únemi ash júrip, birden tamaqty óte kóp mólsherde jeı bastaǵan. Saldarynan anoreksıa býlemıa men asqa táýeldilik paıda boldy.

Djemmanyń ata-anasy ony árqashan qoldap, qol ushyn berýge daıyn edi. Áke-sheshesi men psıhologtar Djemmanyń júıke aýyrýyn emdem shyǵa aldy. Odan keıingi beles dendegen aýrýyn jeńý edi. Densaýlyǵyn jaqsartý jolynda ol uzaq kúresin bastady.

Aýrýdy jeńý úshin Djemmaǵa 7 jyl qajet boldy. Burynǵa anoreksıa aýrýyna shaldyqqan qyzdy qazir  taný qıynǵa soǵady.

Qazir Djemma kúnde ata-anasyna alǵys aıtyp, qudaıǵa shúkirshilik etedi.

Djemma ǵalamtorǵa burynǵy jáne qazirgi jaǵdaıdaǵy fotolaryn sala otyryp, óziniń ótkergenin bastan keship jatqandarǵa anoreksıany jeńýge bolatynyn kórsetkisi keledi. Olarǵa úmit syılap, kúsh berýdi qalaıdy.