Kesheli beri biraz jurt Bas prokýratýranyń elimizde tirkelmegen shetel, onyń ishinde Reseı arnalaryn aýyzdyqtaımyz degen málimdemesine qýanyp jatyr. Meniń qorqatynym mynaý. Jurtqa qyzyqty, paıdaly arnalar bolady, solar tirkeýden ótpeı, ımperlik ýaǵyz-nasıhat aıtatyn arnalar kelip, tirkele sala ma dep qorqamyn. Olarǵa qarsy bizdiń sheneýnikter eshteńe dep aıta da qoımas. Mysaly, qazaqqa bola Eýrosport, Hıstorı, Dıskaverı degen sıaqty tanymdyq arnalar ádeıilep kelip, mınıstrliktiń qujatyn alyp jatpasy anyq. Esesine olardyń ornyna bes-on reseılik telearna kirip ketse de tań qalmaımyn. Mysaly, men Alma-tv degen báleniń tutynýshysymyn. Kezinde dál osy tanymdyq telearnalar úshin qosylǵanmyn. Búginde solardyń birazy lısenzıa joq degen áńgimemen kabeldik arnanyń mázirinen túsip qaldy. Ornyna kil reseılik tanymdyq arnalar kirip aldy. Baǵyttary da aıqyn endi. Soǵan bola Smart-teledıdar satyp alyp, kóptegen dúnıeni ınternetten kórýge májbúrmin. Sebebi osy arnanyń kontentiniń 70-80 paıyzy reseılik telearnalar. Sonda maǵan Alma-tvnyń ne qajeti bar? Eger retteýdi bastaıtyn bolsaq, aldymen osy kabeldik arnalardan bastaǵanymyz durys sıaqty. Arnalardyń paketterinde bir eldiń úlesi 20 paıyzdan aspaýy tıis degen shekteý qoıý kerek sıaqty. Baspasóz týraly zańda sheteldikter qazaq baspasóziniń 20 paıyzynan artyq ıegeri bolmaýy tıis degen norma bar. Osyny kabeldik arnalarǵa da taǵý kerek. Kórshi elderdiń arnalaryn kóbirek qossyn, Ózimizge mańyzy bar degen alpaýyt elderdiń eń bolmasa bireýden basty jańalyq taratatyn arnalaryn qossyn. Shetel tilderin úırenýge de sep bolady.

Aıdos Sarym. (Facebook-tegi paraqshasynan)