Tań qalamyn! Búgin elimizdiń Qaýipsizdik keńesiniń otyrysy ótti. "Otyrysta álem men óńirdegi geosaıası ahýaldyń ózgerýi jaǵdaıynda Qazaqstannyń syrtqy saıasat tujyrymdamasyn iske asyrý máseleleri qaraldy. Ulttyq qaýipsizdik salasyndaǵy jańa qaýip-qaterler men táýekelder talqylanyp, olardyń aldyn alý sharalary pysyqtaldy" degen habar taraldy. Barlyq telearnalarda bul jańalyq EKSPO men N.Smaǵulovtyń kóleńkesi retinde atalyp qana ótildi.

Nege? Vıdeosy nege joq? Jaraıdy, jabyq jaǵdaıda ótti delik. Biraq jýrnalıser beıtarap sarapshylardy tartyp, qandaı másele talqylandy, el basshylyǵy nege alańdaýda degen turǵyda saýalnama ótkizse de bolatyn edi ǵoı! Tipti Qaýipsizdik keńesiniń mamandary, Qorǵanys nemese Syrtqy ister mınıstrliginiń basshylary efırge shyǵyp, bolǵan jaı týraly áńgime qozǵap, bárin aıtpasa da, qaýip-qaterler týraly alańdap otyrǵan halyqqa nege ashyq, shynaıy áńgime aıtpaıdy? Erteń Ýkraınadaǵy jaıttar Qazaqstanda qaıtalansa ekspolar kimge kerek bolady? Biz elmiz be álde boqpyz ba? Álde Keńestiń músheleri is nasyrǵa shapsa Qobylandy men Alpamystardaı jaýǵa jalǵyz shabamyz dep otyr ma?