Besqaraǵaı aýdanynda týrızm salasy tolyqqandy qolǵa alynyp, bıylǵy jyly quny 250 mln teńge quraıtyn shıpajaı kesheniniń qurylysy josparlansa, sheteldikterdi qyzyqtyrǵan Shoshqaly kóliniń aýmaǵynda taǵy bir shıpajaı qurylysynyń jospary qolǵa alynǵan dep habarlaıdy "Qamshy" aqparattyq agenttigi.

         Bul jaıly Shyǵys Qazaqstan Aımaqtyq komýnıkasıalar qyzmetinde ótken baspasóz máslıhaty barysynda Besqaraǵaı aýdany ákiminiń m.a. Erbolat Rahmetýllın málimdedi.

         – Aýdanda «Eki dos» JSHS jańa shıpajaı keshenin salý ústinde. Quny 250 mln. teńge quraıtyn keshen qurylysynyń 80%-ǵa jýyq bóligi aıaqtalyp qaldy. Jańa shıpajaıda maral qanymen emdeý kesheni, kıiz úı qalashyǵy, 300 oryndyq meıramhana, 120 oryndyq qonaqúı bolmaq, – dedi Erbolat Rahmetýllın.

         Sondaı-aq sheteldikterdi tamsandyrǵan Shoshqaly kóliniń jaǵalaýynda jańa shıpajaı kesheniniń jobasy jasalýda. Emdik balshyǵy jáne ásem tabıǵatymen sheteldik týrıserdiń nazaryn aýdarǵan kólge aparar joldy jóndeýdi qolǵa alynbaq. Aıta ketsek, atalmysh kóldiń sýy quramy jaǵynan Izraıldegi Óli teńizdiń sýymen teń.