Iadrolyq qarý jáne onyń túrli quramdas bólikteri Qazaqstan terıtorıasyna kirgizilmeıdi. Elimizde osyǵan qatysty qaýipsizdik sharalary kúsheıtilgen. Tengrinews.kz saıtynyń jazýynsha, bul týraly  Ulttyq qaýipsizdik komıteti málimdegen.

"Elimizde qaýipsizdikke qatysty qalyptasqan júıe bizdiń baqylaýymyzsyz respýblıka terıtorıasyna radıoaktıvti materıaldardyń kirgizilýine jol bermeıdi", - delingen Komıtettiń resmı habarlamasynda. Mundaı habarlama jasaýǵa TMD-daǵy antıterrorıstik ortalyqtyń basshysy Andreı Novıkovtyń málimdemesi sebep bolǵan. Ol Qazaqstan arqyly ıadrolyq qarýdyń  tasymaldaný qaýpi bar ekenin aıtqan edi. "Terorıstik top TMD ellderiniń terıtorıasyn, sonyń ishindegi Qazaqstandy ıadrolyq qarýdy taratý úshin paıdalanýy múmkin degen qaýip bar" - degen bolatyn ol.  UQK TMD-daǵy Antıterrorıstik ortalyq basshysynyń ıadrolyq qarýlardyń bizdiń elimiz arqyly tasymaldanýy múmkin degen qaýippen aıtylǵan sózin qaýipsizdik sharalaryn aldyn alýǵa negizdelgen deıdi. "Iaǵnı terorıstik top músheleri Belorýssıa, Reseı arqyly ıadrolyq qarý tasymaldaǵan jaǵdaıda Qazaqstanda terorıstik akt jasaýdyń aldyn alý úshin oqý-jattyǵý jumystary júrgizilgen. Oqý-jattyǵý jumystary barysynda TMD elderiniń memlekettik organdarynyń áreket etý algorıtmderi talqylandy" - delingen.  Terorızmdi zertteý halyqaralyq asosıasıasynyń múshesi Tatána Dronzınanyń aıtýynsha Qazaqstanda terorıstik jeliler bar, biraq olar ázirge belsendi emes. Sondyqtan sarapshynyń oıynsha Qazaqstanda ıadrolyq qarýdy jasaýǵa qoldanylatyn ıadrolyq materıaldardy eseptep, baqylaýdy kúsheıtý kerek. 

Qamshy-aqparat