Osydan birneshe kún buryn «Qamshy» aqparat agenttigi «Azamattarǵa arnalǵan úkimet» korporasıasynyń tóraǵasy Abylaıhan Ospanov óziniń feısbýk paraqshasynda jarıalaǵan usynysy týrasynda jazǵan bolatyn. Naqtyraq aıtqanda, Abylaıhan Ospanov HQO-nyń jumys kestesin tún ortasyna deıin uzartýdy usynǵan bolatyn.
Arada birneshe kún ótip, keshegi ıdeıa búgin is áreketke aınalyp, júzege asyrylyp otyr.

Astanada Saýran 7 mekenjaıy boıynsha tún ortasyna deıin jumys isteıtin "Halyqqa qyzmet kórsetý ortalyǵy" ashyldy.

Bul jobany iske asyrýshy «Azamattyrǵa arnalǵan úkimet» boldy. Kúni boıy óz jumystaryn jasap úlgermegen astanalyq turǵyndar endi jumys kúnderi tańǵy saǵat 8-den 00:00-ge deıin, al demalys kúnderi 8-den keshki 20:00-ge deıin jumys isteıtin ortalyqtyń qyzmetterine júgene alady.

Ázirge bul ortalyq qalanyń bir-aq jerinde, Saýran 7 mekenjaıy boıynsha qyzmet atqarady.

Bul joba tek 2 aı merzimge ǵana josparlanǵan eken. Eger turǵyndar tarapynan qazjettilik baıqalsa onda joba Qazaqstannyń basqa qalalarynda da  tolyǵymen iske aspaq.

Eger azamat qajetti qyzmetterin basqa HQO-da júzege asyryp júrip, túnde isteıtin ortalyqtyń kómegine júgingisi kelse, onda daıyn bolǵan qujattaryn aldyn-ala  Biryńǵaı baılanys ortalǵynyń 1414 nomeri boıynsha habarlasyp aldyn-ala HQO-daǵy daıyn qujattaryn alýǵa suranym tastaý arqyly nemese túngi HQO-nyń ınspektoryna óziniń qyzmetteri jaıynda habarlaýy tıis.

Bul joba «Azamattarǵa arnalǵan  úkimet»-ttiń azamattarǵa qyzmet kórsetý salasyn   jeńildetýge baılanysty júzege asyryp otyrǵan alǵashyq jobasy emes.