Atyraýda elimizdegi alǵashqy balalar ýnıversıteti ashyldy, dep habarlaıdy «Qamshy» aqparattyq agenttigi egemen.kz-ke silteme jasap.

Halel Dosmuhamedov atyndaǵy Atyraý memlekettik ýnıversıtetinde bastaý alǵan joba Kids University dep atalady. Álem boıynsha osy ispetti 150 oqý orny bar. Oqýshylardyń jalpy bilim beretin mektep baǵdarlamasynyń aıasynan shyǵyp, halyqaralyq bilim keńistigine enýine jaǵdaı jasaý, ǵylymǵa baýlý, jańa tehnologıalardy qoldana bilýge úıretý Balalar ýnı­versıteti arqyly júzege asyrylatyn bolady. Bul jobanyń ereksheligi – jas­óspirimder oqyp qana qoımaı, ǵylym men tehnıkaǵa qatysty saýaldaryna jaýap alady. Ǵalymdar qyzyqty dárister ótkizedi.

– Mektep oqýshylarynyń kóktemgi demalysy kezinde aımaqtaǵy 5-11 synyptarda oqıtyn 52 oqýshy ýnıversı­tetke qabyldandy. Matematıka, ın­formatıka, ekologıa, aǵylshyn tili, tarıh pánderinen sabaq alyp, kór­kemsýret stýdıasynda jumys istedi. Olarǵa arnaıy stýdenttik bıletter tabystaldy, – deıdi Balalar ýnıver­sıtetiniń rektory Oryngúl Ábilova. 

Foto: egemen.kz