Elbasy Nursultan Nazarbaevtyń "Bolashaqqa baǵdar. Rýhanı jańǵyrý" atty maqalasynda "Biz latyn álipbıine kóshýdi bastaımyz" degen edi. Osyǵan qatysty kóptegen qoǵam qaıratkerleri, til mamandary, depýtattar óz pikirin bildirdi dep habarlaıdy "Qamshy" aqparattyq agenttigi. Onyń ishinde Qazaqstan Komýnıstik Halyq partıasynyń múshesi I.V Smırnova da bar. Ol latyn álipbıine kóshý arqyly biz orys áleminen alystap ketemiz degen edi. 

"Mundaı jolmen Qazaqstan orys áleminen alystaıdy. Sebebi, kırıllısa joıylsa, bul álipbı de joǵalady. Bul meni jabyrqatady" dedi depýtat. Osy aıtqan pikirine qatysty Irına Vladımırqyzy túsindirme berdi. 

«Qazaq tiliniń latyn álipbıine kóshýge qatysty aıtqan pikirimdi durys jetkize almaǵanym úshin keshirim suraımyn. Men latyn álipbıine kóshýdi qoldaımyn. Sebebi ol óte qajet. Jańa bilimmen qarýlanýǵa múmkindik paıda bolady. Latyn álipbıine negizdelgen ózge tilderdegi zamanaýı ádebıetti oqı alamyz.  

Klasıkterdiń shyǵarmalaryn latyn álipbıine kóshirýdegi qıyndyqtar týraly qaýiptengen edim» dep jazdy depýtat.