Global Peace Index uıymy álemdegi eń qaýipsiz memleketter tizimin jarıalady, dep habarlaıdy Qamshy aqparattyq agenttigi.

2009 jyldan beri álemdik Ekonomıkalyq forým aıasynda Global Peace Index uıymy týrıser úshin álemdegi eń qaýipsiz ári qarjylyq jaǵynan tıimdi memleketterdiń tizimin jasaıdy. Eldegi zańnyń oryndalý kúshi, ónimderdiń baǵasy, qylmystyq kórsetkish, ulttyq qaýipsizdik, saıası turaqtylyq krıterııleri boıynsha 163 memlekettiń tizimi jasaldy.

Bıyl tizimdi Islandıa bastap otyr. Ekinshi orynda Danıa, úshtikti Avstralıa qorytyndylady. Eń qaýipsiz ondyqty ári qaraı Jańa Zelandıa, Portýgalıa, Chehıa, Shvesarıa, Kanada, Japonıa, Slovenıa jalǵaıdy.

Qazaqstan byltyrǵy kórsetkishten 9 satyǵa joǵarylap 75 orynda tur.

Kórshilerimiz: Ózbekstan – 109, Qytaı – 120, Qyrǵyzstan – 124, Reseı – 151 orynda.

Álemdegi eń qaýipti on memleket: Pákistan – 153, Lıvıa – 154, Sýdan – 155, Ýkraına – 156, Ortalyq Afrıka Respýblıkasy – 157, Iemen – 158, Somalı – 159, Aýǵanstan – 160, Irak – 161, Ońtústik Sýdan – 162, Sırıa – 163.

Aqnıet Tólendi