600 myń ga alańynda ırrıgasıa men kárizdi qalpyna keltirý bólimindegi Agroónerkásiptik keshendi damytý memlekettik baǵdarlamasyn iske asyrý sheńberinde, Aýyl sharýashylyǵy mınıstrliginiń Sý resýrstary komıteti qarjylandyrý kózderin izdestirý jumystaryn júrgizýde. Birinshi kezeńde eki halyqaralyq banktiń Islam damý banki men Eýropalyq damý bankteriniń qaryzdaryn tartý josparlanýda. Osy bankterdiń esebinen Almaty men Ońtústik Qazaqstan oblystaryndaǵy 135 myń ga qalpyna keltiriledi jáne Ońtústik Qazaqstan oblysynda 101 myń ga alańdaǵy jerdiń jaı-kúıi jaqsartylatyn bolady dep habarlaıdy Qamshy aqparattyq agenttigi QR ASHM Baspasóz qyzmetine silteme jasaı otyryp.
Aǵymdaǵy jyldyń 17-23 sáýir aralyǵynda Qazaqstanǵa Islam damý bankiniń komısıasy keledi. Olar ırrıgasıa men káriz boıynsha birinshi qaryzdyń pysyqtalýyn aıaqtaýǵa, qol qoıar aldynda qujattardy sońyna deıin jetkizýge tıis.
Ári qaraı Islam damý bankiniń nesıeleri esebinen Qyzylorda jáne Soltústik Qazaqstan oblystaryndaǵy 8 toptyq sý qubyrdyń qurylysyn, sondaı-aq Qyzylorda qalasynyń aryq sýlandyrý júıesin aıaqtaý josparlanýda.
Jobany oryndaý sheńberinde sý kózderine qosý, 200 myńǵa jýyq adamdy (s.i. Qyzylorda oblysy – 115 myń adam, SQO 85 myń adam) sapasy joǵary aýyz sýmen 24 saǵat boıy qamtamasyz etý, 103 aýyldyq eldi mekenniń sýmen jabdyqtalýyn jaqsartý kózdelgen.
