Júzdesý barysynda eki baýyrlas qalanyń yntymaqtastyq perspektıvalary, sonyń ishinde Astanada EKSPO-2017 Halyqaralyq mamandandyrylǵan kórmesin ótkizý kezinde Beıjiń kúnderin ótkizý jaıy talqylandy dep habarlaıdy Qamshy aqparattyq agenttigi Astana ákimi apparatynyń baspasóz qyzmetine silteme jasaı otyryp.
Á. Isekeshev Qazaqstandaǵy Qytaı týrızminiń jyly sheńberinde iskerlik jáne mádenı baılanystardy keńeıtýdegi týrısik salanyń áleýeti zor ekenin atap kórsetti jáne Beıjiń týrıserin EKSPO-2017 kórmesine shaqyrdy.
QHR Halyqaralyq saýdany qoldaý jónindegi komıtetiniń aqparatyna sáıkes, EKSPO-2017 sheńberinde 300 000 jýyq týrıs Qazaqstanǵa saparlap kelýdi josparlap otyr. 2017 jyldyń 16-18 maýsymnan bastap Astanadaǵy Beıjiń kúnderinen bastap úsh aı ishinde Qytaıdyń 22 provınsıasynyń delegasıalary óz ekspozısıalaryn usynyp, ózderiniń iskerlik áleýeti men mádenıetin tanystyrmaq.
Á. Isekeshev pen Saı Sı sondaı-aq, Qazaqstan elordasynda Qazaqstan-Qytaı jobalarynyń biri bolyp tabylatyn jeńil relsti kólik (LRT) qurylysy jobasyn iske asyrýdy talqylady.
Budan basqa ákim Astana men Beıjiń arasynda kólik basqarý salasynda turaqty áriptestikti jáne tájirıbe almasýdy jolǵa qoıýǵa múddelilik tanytty.
Sondaı-aq, elorda basshylary ekonomıkalyq salada yntymaqtastyqty keńeıtý boıynsha birqatar baǵyttardy belgiledi.
Sonymen qatar, Á. Isekeshev Beıjińniń kólik júıesin basqarý ortalyǵynda bolyp, Qytaı astanasynda iri sharalardy ótkizý kezinde kólik jumysyn uıymdastyrýmen tanysty.
Sapar sheńberinde Astana ákimi sondaı-aq kólik, qurylys. Indýstrıalyq parkterdi, «smart»-tehnologıalardy damytý, sporttyq nysandardy basqarý salalaryndaǵy Qytaıdyń aldyńǵy qatarly kompanıalardyń ókilderimen kezdesti.
Buǵan qosa, Á. Isekeshev SHYU hatshylyǵynda bolyp, uıymnyń bas hatshysy Alımovpen Astana qalasynyń atalǵan birlestikpen yntymaqtastyq máselelerin talqylady.
