El Konstıtýsıasyna ózgerister engizý boıynsha 16 sáýir kúni ótken referendýmdaǵy daýys sanaý jumystary aıaqtaldy. Prezıdenttik basqarý júıesin engizýdi jaqtaýshylar jeńiske jetti, dep habarlaıdy Qamshy aqparattyq agenttigi QazAqparatqa silteme jasap.
Degenmen prezıdenttik basqarý júıesin qoldýshylar men oǵan qarsylardyń arasyndaǵy aıyrmashylyq asa úlken emes. Nebári 1,25 mln saılaýshy (51,3 prosent 48,7 prosentke qarsy).
Túrkıanyń Ortalyq saılaý komısıasynyń basshysy Sadı Gúvenniń málimdeýinshe, daýystardy sanaý jumystary aıaqtalýǵa taıaý. Alda nebári 600-ge jýyq búletenderdi óńdeý ǵana qaldy. Osylaısha, referendýmnyń nátıjesi osy kezden-aq belgili dep aıtýǵa bolady.
«Búletenderdi óńdeý sharalarynyń aldyn ala nátıjeleri referendýmda «ıá» dep daýys bergender sany 1,25 mln-ǵa kóp boldy, barlyǵy 24,5 mln. Daýys berý qorytyndylary «ıá» dep otyr. Tolyq qorytyndy nátıjeler keminde 11-12 kúnnen soń belgili bolady»,-dedi Gúven.
Túrkıa prezıdenti Taııp Erdoǵan premer-mınıstr Bınalı Iyldyrymdy jáne eldiń basty zańyna ózgeris engizýdi qoldaýshy partıa ókilderin referendýmdaǵy jeńisterimen telefon arqyly quttyqtady.
Bul týraly Túrkıa kóshbasshysynyń ákimshiligindegi derekkóz habarlady. «Prezıdent referendýmdaǵy jeńisimen Ádilet jáne damý partıasynyń tóraǵasyn, premer-mınıstr Bınalı Iyldyrymdy, Ulttyq qozǵalys partıasynyń basshysy Devlet Bahchelı men Uly birlik partıasynyń tóraǵasy Mýstafa Destıdjıdi quttyqtady. Ol daýys berý qorytyndylaryna baılanysty túrik halqyna baqyt tiledi»,-dedi ákimshilik ókili.
Atalǵan úsh partıa saılaý naýqany kezinde birige otyryp, túzetýlerdi nasıhattady. Osy ýaqytta búletenderdiń 98 paıyzy óńdeldi. Aldyn ala málimetter boıynsha, daýys berýshilerdiń 51,3 prosenti Túrkıada prezıdenttik bılikti engizý jónindegi túzetýlerdi qoldady.
