AQSH-tyń Londondaǵy elshiligi úsh aılyq baladan «terorızmge» qatysty jaýap aldy, dep habarlaıdy Qamshy aqparattyq agenttigi.

Guardian gazetiniń habarlaýynsha, sábıdiń atasy vızany toltyrý kezinde qatelik jibergen. Harvı Kenona-Keırnstiń  atasy nemeresi atynan amerıkandyq týrısik vızany toltyrý kezinde «Sizdiń terorıstik uıymǵa, genosıdke, tyńshylyq uıymǵa qatysyńyz bar ma?» degen suraqqa qatelesip, «ıá» dep jaýap bergen. Osydan keıin úsh aılyq balany Amerıka elshiligine jaýap alýǵa shaqyrǵan.

«Men olardyń qarapaıym qatelikti túsinbegenderine qaıran qaldym. Baladan qandaı qaýip tónýi múmkin», — degen onyń 62 jasar atasy Pol Kenon.

Atasynyń aıtýynsha, ol balany elshilikke túrmedegiler kıetin qyzǵylt sary kıimmen aparmaq bolǵan. Alaıda ol: «Dıplomattar ázildi túsine almaıtyn sekildi, sondyqtan bul oıymnan bas tarttym», - degen eken.

Atasy sábıdiń jaýap alý kezinde ózin jaqsy ustaǵandyǵyn, jylamaǵandyǵyn aıtqan. «Árıne tergeý sońynda balanyń tyńshylyqpen aınalyspaıtyndyǵy, terrorǵa qatysy joqtyǵy belgili boldy. Onyń bar jasaǵan qylmysy bir-eki jaıalyqty búldirip qoıǵandyǵy, biraq muny elshiliktegiler bilmeıdi», - degen ol óziniń málimdemesinde.