Ortalyq Azıada  jyl saıyn ótetin AdAsia altynshy «Kreatıvtilik pen sheberlik reıtıńisiniń» qorytyndysy shyǵaryldy. Cheil Kazakhstan  aımaqtaǵy jyldyń eń úzdik agenti bolyp tanyldy dep habarlaıdy Qamshy aqparattyq agenttigi.

Dástúr boıynsha reıtıńke Qazaqstan, Qyrǵyzstan, Ózbekstan, Tájikstan, Túrkmenistan jáne Ázirbaıdjannyń úzdik agenttikteri qatysady. Jeńimpazdardy anyqtaý barysynda aımaqtyq agenttikterdiń 2016 jyly halyqaralyq jarnama festıváldaryndaǵy nátıjeleri eskerilip, jarnama agenttikteri,  brendıng jáne dızaın-búro, digital men SMM-agenttikteri, sondaı-aq prodakshn-stýdıalary jumystarynyń kreatıvtiligi, sapasy jáne sheberlikteri baǵalandy.

Cheil Kazakhstan halyqaralyq festıváldarynda usynǵan úzdik jumystary úshin alǵan  bedeldi marapattarynyń arqasynda 355 upaı jınady: Epica, White Square, KMFR, Ideıa, Red Jolbors. Bul nátıje cheılikterge óz qarsylastarynan edáýir ilgeri bolýyna septigin tıgizdi.  Ótken jyly olar nebári 7 orynda bolsa, osy jyly  birinshi atandy.

Ekinshi oryndy KMFR, AdStars, AdBlackSea, Red Jolborstan alǵan marapattary úshin 98 upaımen qazaqstandyq GForce/Grey jelilik agenttigi ıemdendi.

Úshinshi oryn qyrǵyzstandyq Red Jolbors baıqaýynda jeńisi úshin 68 upaı jınaǵan FCB Almaty agenttigine buıyrdy.

AdAsia málimeti boıynsha, bul jyly aımaqtan tysqary ótip jatqan halyqaralyq jarnama festıvalinde tek tórt agenttik jeńiske qol jetkizdi  – Cheil Kazakhstan, GForce/Grey, Green Penguin Media (barlyǵy qazaqstandyq) jáne USSO design (Ózbekstan). 2015 jyly oryn alǵan agenttikter  sany 9 bolatyn. Qalǵan agenttikter reıtıńke  Red Jolbors aımaqtyq festıvalinde alǵan jeńisteri arqasynda ilikken bolatyn (Qyrǵyzstan).

Aǵymdaǵy jyldyń  ondyǵynda ( TOP-10 ) Qazaqstannyń 7 agenttigi, Qyrǵyzstannyń 4 agenttigi jáne Ózbekstannyń 2 agenttigi kirdi. Qyrǵyzdyq agenttikter qazaqstandyqtardy aıaqtan shalmaq bolǵanymen, sońǵylary reıtıńte úshtikter ornyn (TOP-3)  eshkimge bosata qoımas.