«Oıan, Fransıa» qozǵalysynyń kóshbasshysy, Fransıa prezıdenttigine úmitker Nıkolá Dúpon-Enán terorızmmen kúresti kúsheıtýge nıetti ekenin jetkizdi dep habarlaıdy Qamshy aqparattyq agentigi TASS-qa silteme jasap.
«Meniń saılaý aldy baǵdarlamamda Fransıada ustalǵan lańkesterdi Parıjden 12 myń shaqyrym qashyqtyqta ornalasqan Antarktıdanyń janyndaǵy Kergelen arhıpelagyna jiberý usynysy bar. Jeńiske jetken jaǵdaıda ýádemde turamyn» dedi Dúpon-Enán.
Fransıada ólim jazasyna tyıym salynǵan. Dúpon-Enán ony qaıta kúshine engizbeıtinin jetkizdi.
«Fransıanyń prezıdenti bolsam, «Bataklan» konsert zalynda bolǵan jappaı adam ólimi sekildi qylmysqa jol bermeımin» dedi ol.
