Qazaqstan Respýblıkasy İshki ister mınıstrligi Tótenshe jaǵdaılar komıteti sý tasqyny boıynsha aldyn alý, qutqarý jumystaryn jasap jatyr dep habarlaıdy Qamshy.kz
Qazirge deıin, Aqtóbe oblysynda İlek ózenindegi sý deńgeıiniń kóterilýi saldarynan «Gossvetset», «Qarǵaly» jáne «Aqsýat» baý-baqsha ujymdarynda saıajaı úıleri men aýla aýmaqtaryn sý basty. 300-ge jýyq adam evakýasıalandy. 2 orta mektep bazasynda 12 evakýasıalaý pýnkti ornatyldy, onda 53 adam, onyń ishinde 12 bala bar, 248 adam týystarynyń úılerine ornalastyryldy.
Aýla-aýlany aralaý jumystary júrgizildi, İlek ózeniniń eki jaǵalaýynda da qulaqtandyrý toptary jumys júrgizýde, qoǵamdyq tártip kúzeti qyzmet kórsetýde. Áleýmettik jeli, teledıdar arqyly halyqty qulaqtandyrý jumystary, sms-taratý jumystary da júrgizildi. Baqylaý beketteri turǵyzyldy.
Sý tasqynyn joıýǵa TJK bólimshelerinen, Ulttyq ulannan, jergilikti polısıa qyzmeti men jergilikti atqarýshy organdarynan 500-ge jýyq adam jáne 124 birlik tehnıka jumyldyryldy.
Aqmola oblysynyń Arshaly aýdanynda júrgizilgen sý tasqynyna qarsy is-sharalar bolsa, Túrgen aýyly men Razezd 42 stansıasynda tasqyn sýlardyń ótýin baqylaýǵa mobıldi beketter turǵyzyldy.
Jibek joly aýylynda 2 evakýasıalanǵan adamdardy qabyldaý pýnkti daıyndaldy, olar 400 adamǵa arnalǵan Novoaleksandrovskıı orta mektebi jáne 2500 almaǵa arnalǵan Qutpanuly atyndaǵy mektep. 5 avtobýs daıyndaldy.
Gıdrotehnıkalyq qurylysqa táýlik boıy monıtorıń júrgizilýde. «Bezymánnaıa» bógetine 120 tonna usaq tas jetkizildi.
Volgodonovka aýylynda Esil ózeninde qoıylǵan belgige táýlik boıy monıtorıń júrgizilýde.
Razezd 42 stansıasynda Astana sý qoımasynan sýdy avarıalyq aǵyzý saldarynan 10 aýlany sý basty. Bógenniń tómengi jaǵynda qutqarýshylar qum salynǵan qaptar tósedi. 22 adam evakýasıalandy.
Tótenshe jaǵdaılar komıteti 2017 jylǵy 17 sáýirde «Habar» telearnasynyń resmı saıtynda «Aqmola oblysynyń Sandyqtaý aýdanynda 700 astam adam evakýasıalandy» atty materıal jarıalanǵan.
Aqmola oblysy Tótenshe jaǵdaılar departamenti Aqmola oblysy Zerendi aýdany Aıdabul aýylynda bógettiń jarylǵany týraly aqparatty rastamaıdy.
Sonymen qatar, Aıdabol a. bógetinde sý deńgeıiniń joǵarylaýyna baılanysty, bógettiń denesi arqyly (bıiktigi 2 m synı belgilerge jetti) asa bastaǵanyn habarlaımyz. Qalyptasqan jaǵdaıǵa baılanysty Aıdabol a. bógetiniń jaǵalaýynda ornalasqan 10 turǵyn úılerdi sý bas qaýipi jáne bógettiń denesin (bógettiń 3 ýchastkesin shaıýy paıda boldy) shaıyp ketý qaýipi týyndady.
Turǵyn úılerdi sý basýyn jáne bóget denesin shaıyp ketýin boldyrmaý maqsatynda, jergilikti atqarýshy organdary jáne aýdannyń tótenshe jaǵdaılar bólimimen erigen qardyń sýyn túsirý úshin, bógettiń denesine arna qazý sheshimi qabyldandy.
Qaraǵandy oblysynda da tasqynmen kúres jumystary qarqynmen júrip, apat-qutqarý jumystary jalǵasyp jatyr. Oǵan 1663 adam, 555 tehnıka tartylyp, Buqar jyraý, Qarqaraly, Abaı, Shet jáne Osakarov aýdandaryndaǵy jaǵdaı baqylaýǵa alynǵan. Aıta keteıik, Qaraǵandy oblysynda sý tasqyny bastalǵaly 1453 adam qaýipsiz jerge kóshirildi. 24,4 shaqyrymnan astam jerge úıindi jasaldy, 10,5 km jýyq qorǵaıtyn bógetter men dýaldar qoıylyp, 1264,5 sharshy metr sý sorǵytyldy.
Sondaı-aq, 2017 jylǵy 14 sáýirde Soltústik Qazaqstan oblysy ákiminiń orynbasary Anton Fedáev, Soltústik Qazaqstan oblysy Tótenshe jaǵdaılar departamentiniń bastyǵy azamattyq qorǵaý polkovnıgi Pavel Fılıppov sý tasqyn jaǵdaıynyń monıtorıńi maqsatynda, kóktemgi sý tasqyn jáne sý basýǵa beıim oblystyń aýmaqtaryn ushyp aralap shyqty.
Bul is-sharaǵa SQO TJD bastyǵynyń orynbasary Erik Sarybaev, Esil aýdanynyń ákimi Muratbek Ábishev, Taıynsha aýdanynyń ákimi Erjan Imanislám da qatysty.
