20 sáýirden bastap «Qazaqstan» Ulttyq telearnasynda «Súıe bilseń...» telehıkaıasynyń tusaýkeseri ótedi dep habarlaıdy Qamshy aqparattyq agenttigi.
Telehıkaıa bolashaǵynan kóp úmit kúttiretin jas fýtbolshy jaıynda bolmaq. Damır myqty fýtbolshy bolýdy armandaıdy. Biraq, dál Eýropalyq klýbtyń jattyǵý jıyny aldynda aıaq astynan jol apatyna ushyrap, aıaǵyn syndyryp alady. Dárigerler endi oǵan fýtbolmen aınalysýǵa bolmaıtynyn kesip aıtady. Bul qaıǵyly jaǵdaıdyń oryn alǵanyna, ol óziniń burynǵy júrip júrgen qyzy Dınarany kinálaıdy.
Damır óz ómirin fýtbolsyz esh elestete almaıdy, kóńil-kúıi qulazyp úlken kúızeliske túsedi. Ol kúsh-jigerin jınap, qansha jerden burynǵy qalpyna túskisi kelgenimen, jaraqaty syr beredi.
Biraz ýaqyttan soń, ol sport kolejine jattyqtyrýshy bolyp ornalasýǵa bel býady. Ol jerde dostarymen qatar dushpandary da paıda bolady. Biraq onyń basty maqsaty fýtboldan myqty komanda qurý. Damırdiń taǵdyry ne bolmaq? Ol eń myqty komanda qura ala ma?
20 sáýirden bastap, 21:45-te «Qazaqstan» Ulttyq telearnasynan «Súıe bilseń...» telehıkaıasyn jiberip almańyzdar!
Basty rolderdi Jandos Aıbasov, Qýanysh Kerimqulov, Gúlnáz Jolanova jáne Kamshat Joldybaeva somdaıdy.
