Reseı Federaldy qaýipsizdik qyzmeti (FQQ) 3 sáýir kúni Peterbor metrosynda terakt uıymdastyrdy degen kúdikpen Ortalyq Azıanyń týmasy 27 jastaǵy Abror Azımovty ustady, dep jazady Qamshy aqparattyq agenttigi.

FQK málimetinshe, Abror Azımov teraktini uıymdastyrýshy Qyrǵyzstan týmasy Aqbarjon Djalılovty daıyndaǵan. TASS agenttiginiń habarlaýynsha, Azımovty temir jol boıynda ustalǵan.

Jedel qyzmetkerlerdiń biri kúdiktiden: «Sizdi ne úshin ustaǵanyn bilesiz be?», - dep surady. «Iá», - dedi Azımov. Keıin odan tapansha men eki smartfon tárkilendi. Tergeý komıtetiniń resmı ókili Svetlana Petrenko TK teraktini uıymdastyrýshylardy anyqtaýdy jalǵastyryp jatqanyn málimdedi.

Eske sala keteıik, 3 sáýir kúni Peterbor metrosynyń «Sennaıa ploshad» beketinde jarylys boldy. Saldarynan 14 adam qaza taýyp, 50 adam jaraqattandy. Ajal qushqandar arasynda Qazaqstan azamaty, Peterbor memlekettik ekonomıkalyq ýnıversıtetiniń stýdenti Maksım Aryshev boldy.