Astanada Qazaqstan men Túrkıa arasyndaǵy dıplomatıalyq baılanystyń ornaǵanyna 25 jyl tolýyna oraı, 22 sáýir kúni tanymal túrik akteri Kenan Imırzalyoǵlý basty roldi somdaıtyn «Uzyn hıkaıa» fılmi kórsetiledi, dep jazady Qamshy aqparattyq agenttigi.

QazAqparattyń málimetinshe, atalǵan sharany Túrkıanyń Qazaqstandaǵy elshiligi men Iýnýs Emre atyndaǵy túrik mádenıet ortalyǵy uıymdastyryp otyr. Fılm 1940 jyldary Bolgarıadan Ystanbulǵa kóship kelgen Býlgarıaly Alıdiń hıkaıasy tóńireginde órbıdi. Ol Múnıre (Týche Kazaz) esimdi qyzǵa ǵashyq bolyp, ekeýi úılenedi. Ádilettilik pen teńdikti tý etip ustanatyn Alı men Múnıreniń jáne uldary Mustafanyń ómirleri temirjol boıynda ótedi. Qonys tepken jerleriniń barlyǵynda olardy tosyn hıkaıalar kútýde.

Fılm túrik tilinde (oryssha sýbtıtrmen) kórsetiledi.