«Dala men Qala» gazetiniń ınternet betinde tómendegideı shýly materıal jaryq kórdi.  Materıalǵa qosymsha aýdıojazbada áldebir ashýly adam ózimen dıalog qurýshyny jer-jebirine jetip ıanattap, jerden alyp, jerge salǵan. «1 jeltoqsannan Arlendi, 31 jeltoqsannan Qaparovty  jumystan qýamyn» dep qoqan-loqqy kórsetken. Derekkózdiń ózi anyqtaýynsha daýys ıesiniń jeke basy – Almaty oblysy Uıǵyr aýdanynyń ákimi Alımjan Imtahýnuly Tohtasýnov bolsa kerek.

Buǵan deıin de birneshe márte qolastyndaǵy qyzmetkerlerdi «jumystan qýamyn» dep, aýzyna kelgenin aıtqan ákim bul joly da aıanyp qalmapty. Al myna aýdıojazbada óziniń orynbasarlarynyń birin balaǵattap, jerden alyp, jerge salypty. Ákimshilik qyzmetkerleri budan buryn onyń dóreki, ospadar qylyqtaryn  aıtyp tıisti mekemelerge shaǵymdanǵanmen, esh nátıje shyqpady dep otyr.

Bul memlekettik qyzmetkerdiń etıkasyna saı is-áreket pe? Oblys ákimi Amandyq Batalov myrza bul jaǵdaıdy óz qaperine alar dep úmittenemiz.