Aqyn Aýyt Muqıbek óziniń Facebook-tegi paraqshasynda tómendegideı jazba jarıalady:
«Búgin Qazaqstan Respýblıkasy Parlamenti Májilisiniń depýtaty Nurtaı Sabılánov myrzanyń qabyldaýynda boldym. Ótkendegi kezdesemiz desken ýádeniń sáti búgin áreń tústi. Nurtaı Salıhulymen de qazirgi kúnde Úkimettiń atyń óshkir №111 Qaýlysynyń kesirinen turaqty tirkeýge tura almaı, tentirep qalǵan qandastar jaǵdaıynan bastap, aldaǵy tolyqtyrý men ózgerister engizilip, qaıta qabyldanatyn Kóshi-qon zańy týraly biraz sóılestim. Ádettegideı, "túsindirý" jumysyn istedim, atap aıtqanda, Qytaıdyń kóshi-qon zańyn, Qytaı azamattarynyń shetelderge shyǵý tártibin, azamattyqtan shyǵý belgilemesin qaǵazǵa jazyp aparyp berdim. Aty shýly "EKİ ANYQTAMANY"("Shetel azamattyǵynan shyǵyp kel", "qylmysqa tartylmaǵan" degen), Sol eki anyqtamanyń kesirinen shetel Elshilikterinen kelisim alatyn (qyzyl "SPRAVKA") barysty qysqartýǵa yqpal etýin ótindim.
Shekaraǵa jaqyn aýyldyń balasy ǵoı, Nurtaı Salıhuly alystan kelgen aǵaıynnyń jaǵdaıyn jaqsy túsinedi. Olardyń oralýyna qushaǵy ashyq sanaýly depýtattardyń aldyńǵy leginde júrgen azamat! Keıde qolbaılaý bolyp, adymyn ashtyrmaıtyn jaǵdaılardyń da baryn biz jaqsy bilemiz. Ol úshin bul kisilerdi kinalamaımyz da...
Qysqasy bul Nurekeń de qandastaryna qolaıly, Elbasyǵa sóz keltirmeıtin kemeldi Zań jobasyn qabyldaýǵa qulshynyp otyr. İske sát deıik, aǵaıyn!»
Aýyt Muqıbek oralmandar máselesin jıi-jıi kóterip keledi. Onyń Prezıdentke, Prezıdent Ákimshiligine, Úkimetke, Parlamentke baǵyttalǵan hattary týraly buǵan deıin de jazǵan bolatynbyz. Qandastarymyzdyń janaıqaıyn bılikke jetkizip júrgen Aqynnyń isine qoldaý bildirip, halyqqa qolaıly zańnyń qabyldanýyna biz de «İske sát» aıtamyz. Nurtaı Sabılánov myrzaǵa depýtattar úlken qoldaý bildiredi dep úmit artamyz.
