Taraz qalasy prokýratýrasymen taldaý barysynda júrgizilgen saýalnamanyń qorytyndysymen eki myńnan astam kásipkerlerdiń 40 paıyzy, olarda memleket tarapynan saýda-sattyq aýksıondarǵa qoıylǵan jer telimderi týraly qandaı da bolsyn aqparattan habardar emestigin atap kórsetken bolatyn.

         Bul jerde búrokratıa pen sybaılas jemqorlyq órship, keń etek alýda, sol sebepten kásipkerler sheneýnikterdiń esikterin qaǵyp, aryz-shaǵymdaryn jazyp, sottasýǵa májbúr bolady.

         Kórsetilgen jaǵdaı elimizdiń ekonomıkasynyń negizgi qozǵaltqyshy – kásipkerlerimizdiń aldynda búrokratıalyq bógetterdi joıýdyń qajettiligine únemi  nazar aýdaratyn elbasymyz N.Á.Nazarbaevtyń talaptaryna qaıshy keledi. 

         Muny eskere otyryp, oblys prokýrory Ernat Sybanqulovtyń usynysy boıynsha Tarazda  jer telimderiniń aqparattyq júıesi jetildirip engizildi - www.zis-taraz.kz.

         Osy júıeniń negizgi maqsaty - komersıalyq maqsattarǵa baǵyttalǵan jer telimderiniń saýda-sattyq aýksıondarynda júzege asyrýdyń ashyqtyǵyn qamtamasyz etý.

         Oblys prokýrory Ernat Sybanqulov Taraz qalasynyń kásipkerlerine júıesin tanystyrý rásiminde saıt qoldanýda óte ońaı jáne úsh bólikten turatyndyǵyn atap kórsetti.

         Iaǵnı, birinshi bólik - «Jer telimderi», Taraz qalasynyń kartasynda memlekettiń jer telimderin ótkizýi týraly tolyq aqparatty kórsetedi.

         Ekinshi bólik - «Ótinishterdi tekserý», bul bólik onlaın rejıminde  jeke sáıkestendirý nómirin (JSN) engizý jolymen ýákiletti memlekettik organymen ótinishti qarastyrý barysyn baqylaýǵa múmkindik beredi.

         Úshinshi bólik - osy suraqtardy retteıtin zańnamanyń normalarymen tanysý múmkindigi.

         Bul júıe tek kásipkerlerge ǵana emes, jer telimin satyp alatyn kez kelgen azamatqa da tıimdi, árqaısysy jergilikti atqarýshy organda óz ótinishiniń qarastyrý barysyn baqylap, málimet alýǵa múmkindigi bolady. 

         Neǵurlym memlekettik qyzmet kórsetýdiń prosesteri ashyq bolsa, soǵurlym sybaılas jemqorlyqqa tosqaýyl qoıylatynyn, bul rette  azamattardyń da shaǵymdary azaıatyndyǵyn oblys prokýrory atap ótti, Bas Prokýrordyń talaby da osy. 

         Bul júıeni oblystyń barlyq aımaqtarynda engizý josparlandy jáne turǵyndarǵa turǵyn úı qurylysyna bólinetin jer telimderin qadaǵalaý jáne kezektilik boıynsha ashyqtyq máselesin jetildirýdi uıymdastyrý basty maqsatymyz dep túıindedi oblys prokýrory.

Jambyl oblysynyń prokýratýrasynyń baspasóz qyzmeti