2018 jyly Petropavl qalasynda memleket basshylarynyń qatysýymen Qazaqstan men Reseıdiń shekara mańyndaǵy yntymaqtastyq forýmy ótedi, dep habarlady Soltústik Qazaqstan oblysynyń ákimi Qumar Aqsaqalov tilshilermen kezdesý barysynda.
«Memleket basshysy forýmdy Petropavlda ótkizý týraly kelisimge qol qoıdy», — dep atap ótti ol.
Ákimniń aıtýynsha, Forýmǵa daıyndyq aıasynda Petropavl qalasyna Jambyl kóshesinen kiretin qaqpany rekonstrýksıalaý jumysy bastalady.
«Jeke sektordaǵy eski úılerdi buzyp, halyqqa esesin qaıyramyz. Ol jerde bıik, ádemi úıler salamyz. Jobalaýshylarmen, qurylysshylarmen talaı ret aqyldasyp, ádemi etip jasaýdy oılastyrdyq. Sebebi bul qalaǵa kiretin negizgi jol. Jáne oǵan qarajatymyz da jetkilikti», — dedi Aqsaqalov.
