Senat depýtaty Birǵanym Aıtymova Prezıdent Nursultan Nazarbaevtyń Qazaqstandyqtarǵa qara kıimge tyıym salýǵa qatysty usynysyna qatysty pikirin bildirdi, - dep habarlaıy Qamshy AA  Tengrinews.kz-ke silteme jasaı otyryp.

"Adamdardyń dinı senim bostandyǵyna degen quqyǵy adamǵa maksımaldy, múmkindiginshe jáne jan-jaqty beriledi. Sondaı-aq, Konstıtýsıada Qazaqstan zaıyrly memleket retinde kórsetilgen, sondyqtan zaıyrly memlekettiń erejeleri men zańdary barlyǵyna birdeı bolýy tıis. Sol sebepti barlyq otbasyǵa jáne balalarǵa osyny túsindirý kerek. Mektepke qalaı kıiný kerektigin balalardyń ózderi sheshpeıtini anyq", - dedi Aıtymova.

Onyń aıtýynsha, Qazaqstan dinı memleketter sıaqty bola almaıdy, sebebi bizde arab elderi men Izraılmen salystyrǵanda din men memleket eki bólek. "Ol elderde basqa zańdar júzege asyrylady. Biz basqa eldi mysal ala otyryp, óz elimizdi tolyqtaı solar sıaqty ózgerte almaımyz. Biz zaıyrly memlekettiń zańdary boıynsha ómir súremiz, sondyqtan múmkindikterdi barynsha qarastyrý kerek", - dedi depýtat.

Eske sala keteıik, osyǵan deıin Memleket basshysy qysqa balaq pen saqal qoıýǵa tyıym salý kerektigin aıtqan edi. "Dinı saýatsyzdyǵynyń nátıjesinde jastarymyz saqal qoıyp, shalbarynyń balaqtaryn qysqartyp tastaıdy. Qara kóılek kıip, beti-aýzyn tumshalaǵan qyzdarymyzdyń qatary kóbeıdi. Bul bizdiń dástúrimizge de, halqymyzǵa da jat. Buǵan zańnamalyq deńgeıde tyıym salý máselesin pysyqtaý kerek. Qazaq qara kıimdi qaraly kezde ǵana kıedi", - degen edi Nazarbaev.