Fox News telearnasynyń júrgizýshisi Bıll O’Reılı  Reseı prezıdenti Vladımır Pýtınge til tıgizgeni úshin jumystan qýyldy.   Osy arnanyń ıesi 21st Century Fox kompanıasy jarıalaǵan málimdemede osy oqıǵaǵa túsindirme berildi. Bul týraly Qamshy AA lenta.ru-ǵa silteme jasap habarlaıdy.

Bıll O’Reılıdiń Pýtınge qatysty jalasy týraly eki jaq zertteý júrgize kele telejúrgizýshiniń arnaǵa qaıta oralmaıtyndyǵy sheshildi. O’Reılı jynystyq bopsalaý jasaǵany úshin  aıyptalǵandyǵy týraly Reuters habarlaǵan. Jýrnalıs kóp áıelderdiń shaǵymyna qalyp, barlyǵy 13 mıllıon dollar aıyppul tólegen. Eń qyzyǵy, bul áıelderdiń barlyǵy jýrnalıspen birge jumys istegen nemese habarǵa qatysqan qonaqtar bolǵan.

«Faktor O'Reılı»- Fox News arnasyndaǵy eń tanymal shoý. Jýrnalıs bul atalǵan telekompanıada jıyrma jylǵa jýyq qyzmet etken.

Aqpan aıynyń basynda Tramppen suhbat barasynda AQSH prezıdenti reseılik lıderge qurmetpen qaraıtynyn jetkizgen edi. Sonda júrgizýshi Reseı prezıdentin "qanisher" dep ataǵan. Sonda Tramp «Bizdiń el de jetisip turǵan joq qoı» dep jaýap bergen bolatyn.

Reseı prezıdentiniń pres-hatshysy Dmıtrıı Peskov muny tiz tıgizý, jala jabý retinde baǵalady. Tıisinshe, jýrnalısiń keshirim suraý kerektigin málimdedi. Al, O’Reılı bolsa Pýtınnen keshirim surasam ol tek  2023 jyly ǵana bolady dep jaýap bergen.