Betine shyqqan jara úlken isikke aınaldy. Dárigerler dıagnoz qoıa almaǵan, al er adam qalaı ómir súrerin de bilmeıdi. Bul jaıynda «Qostanaı jańalyqtary» basylymy habarlaıdy.

Ákesiniń beligisiz aýrýy jaıynda basylymǵa Irına Vasıleva habarlaǵan. Sýretterin jiberip, mundaı isikpen ómir súrýdiń múmkin emestigin aıtty. Er adam búginde jumyssyz, jumys isteı almas ta edi. Arqalyq qalasynyń mańynda ornalasqan Molodejnoe aýlynyń turǵyny Aleksandr  Vasılev bul aýrýymen 7 jyl boıy kúresip keledi.

Otbasy múshelerinde ortalyqpen baılanysatyndaı múmkindik bolmaǵan. Al qazir qyzdary arqyly jaǵdaılaryn jetkizip otyr.

«2010 jyly ákemniń betinde kishigirim isik paıda boldy. Qostanaıda emdelmek bolyp analız tapsyrǵan, biraq dárigerler buryn-sońdy mundaı dert kezdespegen degen syltaýmen eshqandaı dıagnoz qoımaǵan. Ákem betindegi isikpen aýylǵa qaıtty» deıdi Aleksandrdyń qyzy Irına.

Onyń ústine, Aleksandardyń basy da jıi aýrady, bir kózi múldem kórmeıdi.

«Jaqynda Arqalyqqa onkolog kelgen. Ákemdi tekserip «Tramadol» degen kúshti áseri bar agalgetık jazyp berdi. Dárilerdi óz qarajatymyzǵa alamyz. Anam kúni-túni ákemniń janynda otyrǵandyqtan jumys istemeıdi. Ákemniń úkimet tarapynan járdemaqy alatyn múmkindigi bar ma?» delingen qyzy jibergen habarlamada.

Arqalyq aýdandyq emhanasynyń málimetinshe, onkologıalyq dıagnoz qoıylmaǵandyqtan járdemaqy da tólenbeıdi eken. Endi Vasılev oblystyq onkodıspanserge baryp tekserilýi qajet.