«Qazgıdromet»: Aqtóbede naýryz ben sáýir aılarynda 3 daýyl bolatyny eskertilgen

    Assem Almuhanbet
    «Qazgıdromet»: Aqtóbede naýryz ben sáýir aılarynda 3 daýyl bolatyny eskertilgen

    «Qazgıdromet» RMK boljamy boıynsha, Aqtóbe oblysynda 22 men 28 sáýirinde keıde jańbyr jaýyp, kún kúrkirep, jeldiń kúshi 15-20 m/sek bolatyn, turaqsyz aýa-raıy kútiledi. Túngi temperatýra +2+10-nan 0+5 gradýs Selsıa, kúndiz +10+15-ten +15+24 deıin aýytqıdy dep habarlaıdy Qamshy aqparattyq agenttigi «Qazgıdromet» RMK baspasóz qyzmetine silteme jasap.

    «Qazgıdromet» RMK tıisti memlekettik organdarǵa sonyń ishinde QR ASHM Sý resýrstary komıtetine («Qazvodhoz» RMK oblystyq fılıaly), QR İİM TJK, «Qazaqstan ózenderi alaptaryndaǵy 2017 jylǵy 1 naýryzdaǵy jaı-kúı boıynsha ylǵal qorynyń jıyntyǵy men kútiletin sýlylyq týraly» anyqtama-konsýltasıaǵa (budan ári - anyqtama-konsýltasıa) sáıkes, ýákiletti uıymdarmen tıisti sharalar qabyldaný úshin, qar qorynyń edáýir kólemi normadan 30-50% kóp ekendigi týraly ýaqytyly 2 aı buryn habardar etildi.

    Aqtóbe sý qoımasyna sýdyń kelip túsýi  220 mln. kýb.metrdi qurady (norma kezinde 179), naqty sýdyń kelip túsýi 285 mln. kýb.metr quraıdy (2017 j. 20.04. jaı-kúı boıynsha).  

    Qaraǵaly sý qoımasyna sýdyń kelip túsýi  250 mln. kýb.metr qurady (norma kezinde 292), naqty sýdyń kelip túsýi 156 mln. kýb.metr quraıdy (2017 j. 20.04. jaı-kúı boıynsha).  

    «Qazgıdromet» RMK Aqtóbe oblysy boıynsha fılıal dırektory  Serik Ibraev: «Qazgıdromet» RMK boljamy boıynsha, kórinip turǵandaı, bos syıymdylyǵy 75 mln. kýb.metr, Aqtóbe sý qoımasyna kelip túsetin sý kólemi, 2017 j.  01.03. jaı-kúı boıynsha bos syıymdylyqtan 3 ese artyq boldy. Meniń boljamymsha, boljanyp otyrǵan aǵyn kólemin qabyldaý boıynsha óz jumysyn Aqtóbe oblysynyń «Qazvodhoz» RMK ýaqytyly oryndaǵanda, sý basý aýdany edáýir az bolar edi.

    Oblys ákimdiginiń keńesinde Nametov myrza Aqtóbe sý qoımasyna kelip túsetin sý kólemi 500 mln. kýb.metrden asady dep baıandady, bul árıne oblystaǵy qaýyrttylyqty kóterdi. Alaıda, «Qazvodhoz» Aqtóbe fılıaly mamandarymen usynylatyn kúndelikti derekterge sáıkes, 2017 j.  20.04. jaı-kúı boıynsha Aqtóbe sý qoımasyna kelip túsetin naqty sý kólemi 285 mln. kýb.metrdi qurady».

    «Men, sý tasqyny kezeńinde barlyq jaýapty tulǵalar kóripkelderdi izdemeı, jiberilgen jańsaqtyqty basqa uıymdarǵa aýdarmaı, ózderine júktelgen laýazymdyq mindetterdi kásibı oryndaýlary ásirese mańyzdy dep oılaımyn.

    «Qazgıdromet» RMK usynylatyn boljamdary úshin ózderinen jaýapkershilikti almaıdy jáne memlekettik organdardy, buqaralyq aqparat quraldary men turǵyndardy gıdrometeorologıalyq jaǵdaılardyń ózgergendigi týraly operatıvti habardar etip otyrady. Barlyq jaýapty laýazymdy tulǵalarǵa jumysta jiberilgen jańsaqtyq pen qateler týraly aqparat berýge batyldyq tanytyp, basqalardyń qalqasyna tyǵylmaýdy usynar edem.

    Osydan basqa, Sý resýrstary jónindegi komıtettiń tóraǵasy I.A. Ábishevtiń qaramaǵynda «Qazvodhoz» RMK bolyp tabylatyn, Qazgıdromettiń boljamdaryn qate dep esepteý durys emes dep habarlady. 

    «Qazgıdromet» RMK anyqtama-konsýltasıasynan basqa, naýryz ben sáýir aılary kezeńinde 3 daýyldyq eskertý, sonyń ishinde «Qazvodhoz» Aqtóbe fılıalyna Aqtóbe oblysy ózenderinde sýlylyqtyń ulǵaıýy kútiletini týraly berildi» dep atap ótti Serik Ibraev.

    «Qazgıdromet» RMK Aqtóbe oblysy boıynsha fılıal dırektory qorytyndysynda, Aqtóbe men Qaraǵaly sý qoımasyna kelip túsetin sý tasqyny shyńynyń ótkendigin qosty.  Elek pen Qaraǵaly ózenderiniń osydan keıingi sýlylyǵyna osy sý qoımalarynyń jumys rejimi áser etetin bolady.  

    Qatysty Maqalalar