Ardaqty ata-analar, qadirli qaýym!
Biz, súıikti elimiz Qazaqstannyń túkpir-túkpirinde turyp jatqan ata-analar, óz balalarymyzdy, ásirese, álpeshtep ósirgen qyzdarymyzdy arandatýshy adasqan dinı aǵym ókilderiniń, atap aıtqanda, «qysqa balaqtylar» men «teke saqaldylardyń» qysymynan qorǵaý maqsatynda arnaıy Respýblıkalyq qozǵalys – qoǵamdyq uıym qurý týraly Sizderge úndeý tastap otyrmyz.
Mundaı qadam jasaýǵa bizdi ómirdiń ózi májbúr etip otyr.
Bizdiń álpeshtep ósirip, joǵary bilim berip, baǵyp-qaqqan balalarymyz, ásirese, qyzdarymyz arandanýshy adasqan dinı aǵym ókilderiniń – «qysqa balaqtylar» men «saqaldylardyń» qurbandary men kúńderine aınalýda.
Osynaý arandatýshy adasqan dinı aǵymnyń «qysqa balaqty», «teke saqaldy» ókilderi Qazaqstannyń din isteri máselesine baılanysty zańdarynyń osaldyǵyn paıdalanyp, bizdiń qyzdarymyzdy aldap, ózderiniń tusaýlaryna túsirip jatyr.
Imandy, qazaq halqynyń dástúrli dinin ustanyp, namaz oqıtyn otbasylardyń mápelep, álpeshtep ósirgen qyzdaryn ártúrli joldarmen ýystaryna túsirip, otbasyn quryp alǵan soń, olar bizdiń perzentterimizge rýhanı qysym kórsetip, ózin dúnıege ákelgen ata-analarymen jáne týys-baýyrlarymen qarym-qatynas jasaýyna kúshtep tıym salýda. Sonyń saldarynan qanshama joǵary bilimdi qyzdarymyz «qysqa balaqtylar» men «teke saqaldylardyń» bosaǵalarynda solardyń balasyn baǵýmen ǵana shuǵyldanatyn, tek qana úıde otyratyn, qoǵamdyq ómirge múldem aralaspaıtyn, eshqaıda, eshqandaı qyzmet istemeıtin KÚŃGE aınalýda!
«Qysqa balaqtylar» men «teke saqaldylar» dinı joralǵylardy, ásirese, qasıetti Oraza aıyn jeleý etip, Qazaqstanda qyzdardy kúń retinde ǵana jumsaıtyn feodalızm zamanyn ornatý úshin qoldarynan kelgenniń barlyǵyn jasap jatyr!
Mundaı beıbastaqtyqqa qarsy aıaýsyz kúres júrgizýge tıisti Qazaqstan Respýblıkasynyń Ulttyq qaýipsizdik komıteti, elimizdiń Bas prokýratýrasy men Joǵarǵy Soty, basqa da quqyq qorǵaý oryndary, salalyq mınıstrlikter, agenttikter men jergilikti ákimdikter tıisti zańdardyń osaldyǵyn jeleý etip, dármensizdik tanytyp otyr!
Elimiz boıynsha júzdegen, myńdaǵan otbasynyń álpeshtep ósirgen qyzdary – kúńge, «qysqa balaqtylar» men «teke saqaldylardyń» aıtqanyna kónip, aıdaýyna júretin tiri robot-qultemir – qýyrshaqqa aınalǵan!
Biz, ata-analar, endi buǵan tóze almaımyz!
Ózimizdiń álpeshtep ósirgen qyzdarymyzdyń sanalaryn ýlap, bastaryn aınaldyryp, bosaǵalarynda kúń retinde jumsap otyrǵan mundaılarǵa qarsy bitispes aıaýsyz kúres jarıalaımyz!
Iman árkimniń júreginde bolýy tıis. Imandy ekeniń syrtqy kıimińnen emes, ishki nıetińnen, adaldyǵyńnan, t.b. kórinýi qajet. «Teke saqal» ósirip alǵan «qysqa balaqtylardyń» «naǵyz dinshilder – bizbiz» degen pıǵylmen óktemdik kórsetip, qyzdarymyzdy búrkendirip, ústi-basyn búrkemeletip, qazaq halqynyń tarıhynda múldem bolmaǵan jıirkenishti «sán úlgisimen» kúshtep kıindirip, qoǵamdyq ómirden múldem qol úzdirýine endi budan bylaı jol bere almaımyz!
Qazaqtyń halyqtyq salt-dástúrlerin moıyndaǵysy kelmeı, ózderin dinniń «naǵyz danyshpandary» sanaıtyn «qysqa balaqtylar» men «teke saqaldylar» Qazaqstan Respýblıkasynyń Konstıtýsıasyn óreskel buzyp otyr!
Ata zańymyzdyń 27-shi babynda bylaı delingen:
«1. Neke men otbasy, ana men áke jáne bala memlekettiń qorǵaýynda bolady.
- Balalaryna qamqorlyq jasaý jáne olardy tárbıeleý – ata-ananyń etene quqyǵy ári mindeti.
- Kámeletke tolǵan eńbekke qabiletti balalar eńbekke jaramsyz ata-anasyna qamqorlyq jasaýǵa mindetti».
Endeshe, barlyq ata-analar ulyn úılendirse de, qyzyn turmysqa berse de, olarmen jıi jáne turaqty túrde qarym-qatynas jasap, balalaryna qamqorlyq jasap, tárbıeleý isinen qol úzbeýi kerek. Sol sıaqty balalary da ata-analarynan qol úzbeýi tıis.
Sondaı-aq Ata zańymyzdyń 34-baby boıynsha:
«1. Árkim Qazaqstan Respýblıkasynyń Konstıtýsıasyn jáne zańdaryn saqtaýǵa, basqa adamdardyń quqyqtaryn, bostandyqtaryn, abyroıy men qadir-qasıetin qurmetteýge mindetti».
Al dinı aǵymnyń «qysqa balaqty» jáne «teke saqaldy» ókilderi Qazaqstan Respýblıkasy Konstıtýsıasynyń osy talaptaryn óreskel túrde buzyp, qazaq qyzdaryna halyqtyq salt-dástúrlerimizge jat kıimder kıgizip, olardy tek qana bala taýyp, bala baǵýshy retinde ǵana úılerinde kúshtep ustap, basqa adamdardyń, ıaǵnı bizdiń qyzdarymyzdyń quqyqtary men bostandyqtaryn, abyroıy men qadir-qasıetin aıaqqa taptap otyr!
Qazaqstan Respýblıkasy Konstıtýsıasynyń osy eki babynyń negizinde-aq «qysqa balaqtylar» men «teke saqaldylar» ýaǵyzdap júrgen teris dinı aǵymdy nasıhattaýshylar men olardyń toptaryn arnaıy sot sheshimimen Qazaqstan Respýblıkasynyń aýmaǵynda tyıym salynǵan ekstremıstik uıymdardyń tizimine qostyrý qajet!
Islam dininiń shynaıy qaǵıdalaryn burmalap, qyzdarymyzǵa qazaq halqyna múldem jat kıimderdi kúshtep kıgizip, óz balalarymyzdy ózimizge qarsy qoıyp, aıdap salyp otyrǵan mundaı arandatýshy, adasqan, qazirgi qoǵamymyz úshin óte qaýipti dinı aǵym ókilderine tıym salýǵa resmı oryndardyń kúshi jetpese, endi biz, ata-analar, naqty iske kirisemiz!
Biz, ata-analar, ul-qyzdarymyzdy «qysqa balaqtylar» men «teke saqaldylardyń» qysymynan arashalap alý úshin ymyrasyz kúres júrgizý úshin birigemiz!
Biz, ata-analar:
- ul-qyzdary «qysqa balaqtylar» men «teke saqaldylardyń» qurbanyna aınalyp otyrǵan otbasylar týraly málimetter qoryn jınaqtap, olarǵa memlekettik resmı organdar tarapynan rýhanı jáne qarjylaı kómek berilýin talap etemiz;
- el Parlamentinen «teke saqaldylar» men «qysqa balaqtylardyń» arandatýshylyq adasqan is-áreketterine tıym salatyn arnaıy zań qabyldaýdy talap etý jóninde jumys júrgizemiz;
- qazaq qyzdarynyń sanasyn ýlap, aldap-arbap, óz toptaryna qosyp alyp, qazaqqa jat kıimder kıgizip, ańqaý qyzdarymyzdy ata-analary men týǵan-týystarynan ajyratyp otyrǵan «teke saqaldylar» men «qysqa balaqtylarǵa» jáne olarǵa qarjylaı qoldaý kórsetip jatqan uıymdarǵa qatysty arnaıy sot sheshimin shyǵartyp, Qazaqstan Respýblıkasynyń aýmaǵynda tyıym salynǵan ekstremıstik uıymdardyń tizimine qostyrý, ul-qyzdarymyzdy ózderiniń quldary men kúńderine aınaldyryp otyrǵan «teke saqaldylar» men «qysqa balaqtylardyń» sot aldynda laıyqty jazalaryn alýy úshin kúresemiz!
Qadirli halaıyq!
Ardaqty ata-analar!
Óz ul-qyzdarymyzdyń «qysqa balaqtylar» men «teke saqaldylardyń» qurbandary men kúńderine aınalýyna jol bermeıik!
Ózegimizdi jaryp shyqqan asyl perzentterimizdiń HHİ ǵasyrdyń ozyq ǵylymı-tehnıkalyq órkenıetiniń tolaǵaı tabystaryn ıgergen, oı-sanasy bıik azamattary bolyp qalyptasyp, súıikti Qazaqstanymyzdy odan ári órkendetý úshin qyzmet etýine óz úlesimizdi qosaıyq!
«Qysqa balaqty» jáne «teke saqaldy» dinı aǵym ókilderi – qazaq qoǵamy úshin óte qaýipti ekenin este ustaıyq!
Oraza usta, meshitke bar, namaz oqy, biraq qazaq ekenińdi umytpa!
Biz uldarymyzdy «teke saqaldylar» men «qysqa balaqtylardyń» quldary men qurbandary bolý úshin, al qyzdarymyzdy «teke saqaldylar» men «qysqa balaqtylardyń» kúńderi bolý úshin dúnıege ákelgen joqpyz!
Biz óz ul-qyzdarymyzdyń qazaq qoǵamynyń ozyq oıly, teń dárejeli ókilderi bolýyn qalaımyz jáne sol úshin kúresemiz!
Ul-qyzdary «qysqa balaqtylar» men «teke saqaldylardyń» arandatýshy dinı aǵymdarynyń qurbandary men kúńderine aınalyp otyrǵan ata-analardan, sondaı-aq usynys-pikir bildirgisi keletin tilektes azamattardan myna elektrondyq meken-jaı boıynsha mzhakyp@mail.ru hat-habar kútemiz!
Qurmetpen,
Myrzantaı Qojabaıuly JAQYP,
«Ata-analar dinı aǵymdar qysymyna qarsy!» Respýblıkalyq qozǵalysyn qurý týraly bastamashy toptyń qoǵamdyq negizdegi tóraǵasy, L.N. Gýmılev atyndaǵy Eýrazıa ulttyq ýnıversıteti Teleradıojýrnalıstıka jáne qoǵammen baılanys kafedrasynyń dosenti, PhD doktory, fılologıa ǵylymdarynyń kandıdaty, of Associate Professor.
Astana qalasy, 2014 jyldyń 23 qyrkúıegi.
