Ýkraına prezıdenti Petr Poroshenko Qazaqstandy eliniń qaýipsizdigin nyǵaıtýǵa shaqyrdy. Bul týraly ol Kıevtegi baspasóz máslıhatynda Tengrinews.kz tilshisi qoıǵan saýalǵa bergen jaýabynda málimdegen.

Tengrinews.kz  Ýkraına prezıdentine: "Siz 23 jyl boıǵy táýelsizdikten soń bıyl terıtorıasynyń bir bóligin "joǵaltqan" memlekettiń prezıdentisiz. Sondyqtan, basqa memleketterge, sonyń ishinde Qazaqstanǵa da osyǵan uqsas jaǵdaı qaıtalanbas úshin qandaı keńes beresiz" - dep suraq qoıǵan. Tilshi suraǵyna jaýap bergen Poroshenko Qazaqstan men Belarýstiń qaýipsizdigine qaýip tónip turǵanyn aıta kelip:  "Men sońǵy kezderi qylań bergen barlyq qaýip-qaterge durys jaýap qatý úshin senimdi, berik qaýipsizdik tetikterin qurý búgin barlyǵymyzdyń, sonymen qatar Qazaqstan jáne Belarýs halqynyń aldynda turǵan mindet dep sanaımyn. Men UQSHU (ODKB) tetikteri bul táýekelder men qaterge jaqsylap toıtarys bere almaıtyndyǵyna asa senimdimin", - dep jaýap bergen.

Qamshy-aqparat