«Turǵyn úı qurylys jınaq banki» men Astana qalasynyń ákimdigi jastardy baspanamen qamtýdyń jańa baǵdarlamasyn ázirleıdi dep habarlaıdy Qamshy aqparattyq agenttigi.
Aqysy adam sany men úıdiń kólemine baılanysty. Jalpy, «Nurly jer» boıynsha 15 jyl ishinde 1,5 mln otbasy baspanamen qamtylady. Baǵdarlamanyń júzege asýyn «Nur Otan» partıasy qadaǵalaıdy.
Bul týraly keshe Májiliste «Nurly Jol» ınfraqurylymdy damytýdyń 2015-2019 jyldarǵa arnalǵan memlekettik baǵdarlamasyn iske asyrýǵa QR Ulttyq qorynan bólinetin qarajattyń jáne búdjettik qarajattyń maqsatty jáne tıimdi jumsalýyna baqylaý júrgizý boıynsha Májilistegi «Nur Otan» partıasynyń fraksıasy janyndaǵy «Turǵyn úı komýnaldyq sharýashylyq ınfraqurylymyn, sýmen jáne jylýmen jabdyqtaý jelilerin jańǵyrtý, turǵyn úı ınfraqurylymyn nyǵaıtý» baǵyty boıynsha Komısıanyń otyrysynda belgili boldy.
Otyrys barysynda óńirlerdi damytýdyń baǵdarlamasy sheńberindegi turǵyn úı qurylysy, ákimdikterde kezekte turǵandar úshin komýnaldyq turǵyn úı qurylysy, jas otbasylar úshin turǵyn úı qurylysy, turǵyn úı qurylys jınaq júıesi arqyly kredıttik turǵyn úı, «Nurly jol» memlekettik baǵdarlamasy aıasynda turǵyn úı qurylysy, ákimdikter arqyly kredıttik turǵyn úı qurylysy boıynsha suraqtar talqyǵa salyndy. Komısıanyń otyrysyna «Nur Otan» partıasy fraksıasynyń basshylary, Májilis depýtattary, QR Investısıalar jáne damý mınıstrliginiń, "Samuryq-Qazyna" UÁQ" AQ jáne "Báıterek" UBH" AQ-nyń ókilderi qatysty. Talqylaý qorytyndylary boıynsha otyrysqa qatysýshylarymen birge Komısıanyń usynystary ázirlendi.
Aıta ketsek, birneshe kún buryn prezıdent Nazarbaev «Áleýmettik álsiz toptarǵa berilýi kerek baspanadan sheneýnikter dámelenbesin. Áleýmettik álsiz toptaǵylar jaldamaly úıge aqsha tólesin, sosyn baryp satyp alsyn. Búdjettegiler «Nurly jer» baǵdarlamasyna júginsin» degen edi.