Gaıtıdiń premer-mınıstri Jaka Gı Lafontananyń korteji Le-Ke qalasynda eki jetkinshek balany qaǵyp ketti dep habarlaıdy Qamshy aqparattyq agenttigi Rosbalt-qa silteme jasap.
Kámelet jasqa tolmaǵan balalar motosıklde kele jatqan. Kólikpen soqtyǵysqan kezde jetkinshektiń biri sol jerde qaıtys boldy. Ekinshisin tik ushaqpen Gaıtı astanasy Port-o-Prens qalasyna jetkizdi.
Ázirshe jol kólik oqıǵasyna ne sebep bolǵany belgisiz. Premer-mınıstr korteji jyldamdyqty asyryp kele jatýy múmkin degen boljam bar.
Agenttiktiń málimetinshe, jol kólik oqıǵasy bolǵannan keıin kortej toqtamaǵan. Bul jergilikti halyqtyń narazylyǵyn týdyrdy.