Ústimizdegi jyldyń basynan bastap Din isteri jáne azamattyq qoǵam mınıstrligi azamattyq sektordan kelip túsken turǵyndardy alańdatatyn kókeıkesti máselelerdi (budan ári – turǵyndardyń kókeıkesti máseleleri) jınaqtaý men taldaý boıynsha jumystar júrgizýde dep habarlaıdy Qamshy aqparattyq agenttigi mınıstrliktiń baspasóz qyzmetine silteme jasaı otyryp.

Taldaý barysynda barlyq máseleler kelesi qyrlardan qarastyrylady:

- sheshimi qoldanystaǵy zańnamaǵa ózgerister men tolyqtyrýlar engizýdi talap etetin júıeli tártiptegi máseleler;

- sheshimi belgili bir memlekettik organnyń naqty sheshimin nemese qoldanystaǵy memlekettik mehanızmderdiń aıasynda ataýly kómekti talap etetin jedel sıpattaǵy máseleler;

Keıin, qalyptastyrylǵan máseleler tizimi quzyrettiligi boıynsha qarastyrý úshin jáne olardy sheshýge tıisti sharalar qoldaný úshin  tıisti memlekettik organdarǵa joldanady.

Mysaly, 2017 jyldyń basynan qalyptastyrylyp jatqan kókeıkesti máseleler tizimi eldiń áleýmettik-ekonomıkalyq damýynyń keń aýqymyn qozǵady. Osylaısha, ótken kezeńde:

- janar-jaǵarmaı materıaldarynyń, halyq tutynatyn taýarlar men áleýmettik mańyzy bar qyzmet kórsetýlerdiń baǵasynyń ósýi; 

- turǵyndardyń, sonyń ishinde jastardyń jumyspen qamtylýy;

- memlekettiń ekologıalyq qaýipsizdigi;

- jer resýrstarynyń tapshylyǵy;

- turǵyn úı-kommýnaldyq sharýashylyq;

- sý tasqyny;

- bilim berý;

- jasóspirimder sýısıdi;

- joldaǵy qaýipsizdik;

- zeınetaqy júıesiniń reformalary;

- bank sektory jáne t.b.  eń kókeıkesti máselerge aınaldy.

Turǵyndardyń kókeıkesti máselelerin sheshýde qoldanatyn sharalar boıynsha ortalyq jáne jergilikti memlekettik organdardyń jaýaptaryna júrgizilgen taldaý, turǵyndardyń kókeıkesti máseleleri tizimin qalyptastyrý boıynsha azamattyq sektor ókilderimen jumysty jalǵastyrýdyń maqsattylyǵyn kórsetti.

Osyǵan oraı, úkimettik emes sektor ókilderin, sondaı-aq barlyq beı-jaı emes azamattardy kókeıkesti, alańdatatyn máseler tizimin qalyptastyrýǵa belsene at salysýyn suraımyz deıdi mınıstrlik.

Óz usynystaryńyzdy kdgo_press@post.kz elektrondyq poshtasyna nemese 010000, Astana q., Máńgilik El dańǵyly, 8, «Mınıstrlikter úıi» ǵımaraty, 15-inshi kireberis, Qazaqstan respýblıkasy Din isteri jáne azamattyq qoǵam mınıstrligine joldaýlaryńyzǵa bolady.