Arab tildi oqyrmandar endi Prezıdent Nursultan Nazarbaevtyń ómirbaıanymen etene tanysatyn boldy. Saýd Arabıasynda Elbasynyń ómir joly týraly kitaptyń arab tilindegi nusqasy tanystyryldy, dep habarlaıdy Qamshy aqparattyq agenttigi 24 Habarǵa silteme jasap.
Avtory – belgili pýblısıs, prezıdent keńsesiniń basshysy - Mahmud Qasymbekov.
«Nursultan Nazarbaev. Ómirbaıan» atty týyndynyń arab tilinde jaryq kórýine Er-Rıadtaǵy ıslam zertteý ortalyǵy uıytqy bolǵan. Tusaýkeser aıasynda ótken konferensıada sheteldik jýrnalıser men sarapshylar Qazaqstannyń ótkeni men búgini jaıly maǵulmatqa qanyqty. Al arnaıy uıymdastyrylǵan kórmede elimizdiń ásem kórinisteri pash etildi.
Sondaı-aq, tuńǵysh prezıdent kitaphanasy men koról Feısal atyndaǵy ıslam zertteý ınstıtýty arasynda yntymaqtastyq týraly memorandým jasaldy. Sol arqyly taraptar ǵylymı zertteý jumystaryn birlesip júrgizýge ýaǵdalasty.
Mahmud Qasymbekov, QR Prezıdenti keńsesiniń basshysy, kitap avtory:
- Arab álemi dúnıedegi eń úlken órkenıetterdiń bireýi ǵoı. Sondyqtan kitaptyń arab tilinde shyǵýy bizder úshin úlken qýanysh. Hanzadamen kelisimge keldik. Qazaq tarıhy týraly arab tilinde kitap shyǵarý týraly kelisimge keldik. Eger ol shyqsa, biz úshin úlken nátıje bolar edi.