Búgingi tańda adam balasynyń syrtqy bolsyn, ishki bolsyn jan-jarasyn emdeıtin qural smartfondar men áleýmettik jeliler eken. Onyń dáleli - Qytaı aýrýhanalyrynyń birinde oryn alǵan tómendegi oqıǵa.
Qytaıdyń Hanchjoý qalasynyń 69 jastaǵy turǵyny aıaǵyna jasalǵan ota kezde áleýmettik jelide otyrǵan, dep habarlaıdy jergilikti BAQ.
Chjý esimdi áıeldiń aıaǵyndaǵy tamyrlary isinip, ota jasatý kerek bolady, alaıda áıel otadan qatty qorqady eken. Sol sebepti dáriger ota jasaý kezinde áıelge smartfon qoldanýǵa ruqsat etedi.
Zeınetkerdiń aıtýynsha, áleýmettik jeliler onyń qorqynyshy men ýaıymyn umyttyryp jibergen. Ota barysynda ol WeChat arqyly dostarymen aralasyp, tipti, dárigerler men medbıkelerdiń jumys isteý barysyn sýretke de túsirip úlgergen.
Ota jasaý kezinde telefonǵa tyıym salynǵanymen, Chjýge bul tyıymnyń qatysy bolmady.
Osyǵan uqsas jaǵdaı qańtar aıynda da oryn alǵan kórinedi. Nú-Iorktegi Mettú Shýman esimdi hırýrg tikeleı efırde ota jasap, hırýrgıalyq quraldarmen tanystyryp, jalpy ota jasaý prosesin túsindirip bergen eken. Sonyń arqasynda er adamnyń parqshasyna mıllıondaǵan adam qosylǵan.