Aty ańyzǵa aınalǵan "Ialla" toby bárine málim.
24 sáýirde Tashkent turǵyndary «Ialla» tobynyń burynǵy ánshisi Nargız Baıhanovany sońǵy saparǵa shyǵaryp saldy, dep habarlaıdy Qamshy aqparattyq agenttigi jergilikti BAQ-qa silteme jasap.
1974-1983 jyldar aralyǵynda osy topta án salǵan Baıhanova ótken jeksenbide 68 jasynda kóz jumdy.
Nargız Baıhanovaǵa ótken jyly Germanıadaǵy aýrýhanalardyń birinde ota jasalǵan edi.
Kıno akteri Djavahır Zakırov marqummen qoshtasý jıynyna Ózbekstannyń júzdegen óner jáne mádenıet qaıratkerleri jınalǵanyn aıtty.
"Zakırovtar áýleti jáne ózbek estradasy erekshe daýys ıesinen aıryldy", dedi ol. Nargız Baıhanova «Ialla» tobynyń tanymal ánshisi Farýh Zakırovtyń birinshi áıeli edi.
Sońǵy márte ánshi Nargız rejıser Edýard Hachatýránnyń 1978 jyly túsirgen «Qalany saǵan syılaımyn» fılminde kópshilik aldyna shyqty.